Efɛsea 6:2 - BII BILA

² «Ke fuɲa nɔm nda kala nɔm bɛɛlen». Tɔŋ tase dimin a duaa kɔɔlio co hoo ni aa:

Efɛsea 6:2 Referans Kwoze

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

Tɔŋ miingua 27:16

Màá dangaa va vana tɛɛndan fuɲa ndɔ a kala ndɔ-o coo! Vannda kpow a cɛlnin aa: ‹Amiina!›

Talelan 20:20

Te vanndo mɛna pɛ fuɲa ndɔ, te kon te a kala ndɔ, yoomu vana kon ɲumnin mɛɛ tɛ̀ngɔ́ɔ́ ɲum o ɲumndan nin nuaa yɛ.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Yeremi 35:18

O kon mí Yeremi dimul polale Rekab len aa: «Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Le tùú niaa bii sɔɛi Yonadab fuɲa niaa mamaa, mí la kela kpafii o tɔŋnda ndɔlan coo-o,

Rɔmnda 13:7

Lelan, la ke vana-vana ɲɛ o bɛnda le niaa sɔlaa o ba-o: la yɔngu vanaa niaa bɛnda le cuungiaalan yɔngoo-a cuungiaalan, mì la yɔngu vanaa niaa bɛnda le muloo yɔngoo-a muloo, mì la ke vanaa niaa bɛnda le bɛɛlen keo-va bɛɛlen, mì la biilu vanaa niaa bɛnda le biiloo-a.

Tɔŋ miingua 5:16

La ke fuɲaa niaa a kalaa niaa bɛɛlen maa mɛɛ Mɛlɛka Hala niaa dimul niaa le tosaa yɛ, haliko mi la viow yoomu, mì la sɔla dɛnɛ kɛndɔɔ o lɛŋnde Mɛlɛka Hala niaa co niaa yɔngu len nin.

Yeremi 35:7

O bɛnda vɛlɛ mì la tangul lacɛi le, la tosa vali yondo le, la soli nakɔ n'rɛsɛn te, nakɔ n'rɛsɛn kɛ́-kɛ̀ va le niaa le. Kɛ la calnin o cɛila-kolala-toandaalan bɛngu o palɛi niaa vanin yoomu-e nin kpow, le mɛɛ niaa viaw yoomu taw o lɛŋnde niaa co len mialla nin-nden yɛ.›

Efɛsea 6:3

«Haliko ma sɔla dɛnɛ kɛndɔɔ, mà viow si o lɛŋnden coo.»

1Timote 5:4

Kɛ te vanalanɔ pɔnɔ ndɔ vi-o nɔ pɛ cuawva, te kon te mò nɔ cuavaa-imamaa, cuavaa kan bɛnda mà tosa dɛnndan mɛɛ laalan ndaa co yɛ. O kon, a mingi ɲɛ fuɲaa ndaa mamaa tosal nda-o. Kani kon hɛnan Mɛlɛka ni.