Efɛsea 6:13 - BII BILA

¹³ Lelan, sunsun la cua ɲɛm cɔvun Hala-on kpow. O kon telen paale vɔɔnnden le tiiyanin-ndo, la tiwba yaamɔaa niaa simullo. Nduyɛ, lɔ́ɔ́ niaa cɔlɔbanin háá o mɛɛlulan-ndo, la muungunin mì la sim vɛlɛ yili o fonda niaa.

Efɛsea 6:13 Referans Kwoze

2Korɛntea 10:4

Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

Luke 21:36

La lɔl te, la va piɛilen lɔ́ɔ́-lɔ́ɔ̀. O kon, mì la sɔla yoomuan le dɛnnda hun tosannin-ndan kpow biuvɔnndo, le simndan Po vanacieo o hɔl.»

Efɛsea 5:16

Telen oo telen niaa sɔla pɛ dɛnɛ pum le tosaa, la tosà, kani palɛi naa n co hee nin-nde i niŋ te.

Luke 8:13

N deli o powtan coo-on yɛ, mun co vanaa tuɛi sɔɛi Hala-e, má cɛl ndi a ɲaaloo-a ni, kɛ a nɔ n'puundu le, le telen bingi kínɛí nda laalan ni, kɛ te tɔɔndanndo komal nda pɛ, a mal.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Malasi 3:2

Nɛ̀ɛ́-nɛ̀ yulu yɛnin paale o hunnin-nden? Nɛ̀ɛ́-nɛ̀ lo yɛnin isisi lɔ́ɔ́ o fulanin ceen-ndo? Kani maa yinnde teengiaa cilinnde len o vanin ni. Maa sɛmma vana tɔaa volɔɔlan-ndan o co ni.

Vana Kɔlkaloo 12:1

«Tuma n co vɔ felengi-o, loonun a Vana cɔw nɔm-ndo. Loonun a ndu lɔ́ɔ́ pá palɛi vɔɔnde toal nɔm coo, ma dimi aa: ‹Yoomoo fula ya iyeema›,

Efɛsea 5:6

La cɛl mì vana-vana hui niaa a sɔɔn fondon te, kani le tɛɛmbuula vaa lende kɔltuw Hala-o toalnin vanaa co ndu simullo-a coo ni.

Dɛnnda cɔɔmuanndan 6:17

Kani paale bɛndule kɔltuw ndaa le tiiya, nɛ̀ɛ́ nɔla yɛnin simndan?»

Amɔs 6:3

Kani la co yiyanndo maa la tiwba le paale dɛnɛ palaalen mingio a makɔɔ lándán. Kɛ masale kɔlvesɛilen niaa pila co sɔɔngɔnndo coo lende nuaa ni.

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Nsaki 4:7

Lelan, la tuisin Hala o labɛngunin. La simul ɲina vɔɔndo, o ɲaanunnin niaa.

1Piɛr 4:1

Lelan, le mɛɛ Krista sanga o falon nin yɛ, niaa bɛɛ ken va niaa o lakɔl, kani vana sanga pɛ o falon nin, ndu sɛyan a hakio,