Efɛsea 6:1 - BII BILA

¹ Niaa cuawva, mɛɛ mì la bii sɔɔn vanaa velu niaa-a Mɛlɛka o hɔl, kani dɛnɛ bɛnda-o co kon ni.

Efɛsea 6:1 Referans Kwoze

Talelan 23:22

Yaŋ fuɲa nɔm nilan, ndu velun nɔm ni. Kialun kala nɔm yii le, hali o yuuva bɛɛ.

Talelan 6:20

Po nuu sei! Mandan tɔŋ fuɲa nɔmndo o kɔl, kɛɛ sila kala nɔmndo le.

Talelan 1:8

«Po nuu sei! Yaŋ nilan o pɛɛkula fuɲa nɔmndan, kɛɛ silala kala nɔmndan te.

Tɔŋ miingua 21:18

«Te vanndo pum nɔ pɛ po nila kaloo, o simùl vanaa ndɔa banaa-o, o tuì fuɲa ndɔ a kala ndɔ diom too, taa sila ndu pɛ a sionnden mò tui le,

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

1Timote 5:4

Kɛ te vanalanɔ pɔnɔ ndɔ vi-o nɔ pɛ cuawva, te kon te mò nɔ cuavaa-imamaa, cuavaa kan bɛnda mà tosa dɛnndan mɛɛ laalan ndaa co yɛ. O kon, a mingi ɲɛ fuɲaa ndaa mamaa tosal nda-o. Kani kon hɛnan Mɛlɛka ni.

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Rɔmnda 7:12

Nduyɛ tɔŋndo connun o diandaa, sɔɔn co lenin-ndon bɛɛ n co n diandaa, n sandu, n naŋ.

Luke 2:51

Mí Yeesu muungu nda ndaa Nasarɛt, mó bii sɔɛi ndɛi. Kala ndɔ va sɔɔn mun kpow mandanndo o kɔl.

SƐBƐ YƆB-O 33:27

Mì vana kon soli condei vannda o hɔl, mò dimi aa: ‹I tosa hakio, mì laasiaa dɛnɛ sandaa, kɛ Hala bii mɛɛ kela nuu yɔŋnun yɛ le.

1Piɛr 2:13

La tosa le Maalii, mì la tuisin simlacia co vanndacieea kpede tɛɛn-nda o labɛngunin, o va masa bɛndoo,

Osee 14:9

Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Talelan 30:11

Vanaa pum mɛnaa nda mɛna fuɲaa ndaa ni, à dimi vɛlɛ sɔɔn kɛndɛ a kalaa velu nda-a le.

O Kandɔɔ 28:7

Mí Yakɔb bii sɔɛi fuɲa ndɔ nda kala ndɔ-e, mó kɔa Padan-Aram.

Condii lisai 19:8

Tɔŋ Hala-o tiwnun, ndu yɔ̀ngu vana yoomuan le va yoomu ni. Toɲaa pɛɛkula Mɛlɛka lan la co ni, lan la siinguu vana nɔ taasi loo vana kɔlkaloo ni.

Ɛstɛr 2:20

Ɛstɛr cɔm vana-mangalaa-isɔɔ súú o va-o le, o cɔm vɛlɛ yungu o fula nin-ndo le, maa mɛɛ Mardosee ndóò dimul ndu yɛ. Mó lo sɔɛi Mardosee-e biyɔɔ maa telen o va ndu o ba bɛngu-o.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Rɔmnda 16:2

haliko mi la bii ndu o Maalii nin maa mɛɛ niaa vanaa laalannda bɛnda le vana biyɔɔ yɛ. O kɛ́-kɛ̀ o yeema pɛ, la mala ndu le kon, kani o co vanaa bɔɔ-bɔɔ malaa, ya pila bɛɛ.

Condii lisai 119:75

Éé Mɛlɛka! I sina maa tɔŋnda nɔmndan la sandu, nduyɛ, a caa ya siɛmbulan tuisi.

O Kandɔɔ 37:13

Mí Israɛl koma dimul Yosɛf aa: «Bɛndaa nɔmnda kɔɛ cɔlua mandaa Sikɛm, lelan i co nɔm vomɔɔ mà kɔɛ nɛɛ nda co-a.» Mí Yosɛf dimul ndu aa: «Mɛɛ congun ya i kɔa.»

Yeremi 35:14

Mí Yonadab po Rekab-o ndóò kuuna cuavaa ndɔa mɔiyan kolɔɔ. Má bii sɔɛi ken ɲɛkɛndɛi, háá hau a cɛl le mɔiyan kolɔɔ le, kani ndáà yeema le kelaa o diom fuɲa nda mamaa coo. Nduyɛ ya Mɛlɛka, o co lɛhau le ya co sɔɛi o niaa lo le, kɛ la yeŋnun te.

Nehemi 9:13

Má can o halataala, má tɔal le sɔɛi o nda lo o pembei Sinai coo. Má tiiyal nda silala sɔvɛlan, pɛɛkula toɲaalan a tɔŋnda diandaalan.

1Samiɛl 17:20

Diimandɔɔ idiiyo púŋ, mí David can, mó tosa mɛɛ Yisai dimul ndu yɛ. Mó mel vana mandaa n'cɔlu celen saa ndɔa. Mó cua niko ɲɛm ndóò bɛnda le cuaa-on, mó kɔannun mɛɛ Yisai fuɲa ndɔ ndóò dimul ndu yɛ. Tuma vanaa cɔwva va fulaa o dɔ́ɔ́ngɔ́, má va yondaa le bɛɛndianndo le cɔwvo-o kpafii o tiiya ni.

Condii lisai 119:128

I laalan maa silala nɔmndan kpow la sandu, nɛi oo nɛi co pɛ nɛi lakafaa, o hɛnan ya le.

Ruti 3:5

Mó mulul ndu aa: «Ɲɛ-ɲɛ n dimul-la le tosaa, i tosanin ndu.»

Yeremi 35:8

Sɔɔn Yonadab fuɲa naa mamaa dimul naa mun-ndon, lecoo naa n co kelaa ni. Lelan n kol mamɔi lɔ́ɔ́-lɔ́ɔ̀ le: laandaa naa, cuavaa naa piaandua a à laandua, vana-vana kol te.

Yeremi 35:18

O kon mí Yeremi dimul polale Rekab len aa: «Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Le tùú niaa bii sɔɛi Yonadab fuɲa niaa mamaa, mí la kela kpafii o tɔŋnda ndɔlan coo-o,

O Kandɔɔ 48:12

Mí Yosɛf cua poaa ndɔa ŋiɔnda fuɲa ndɔ o vulan tɛɛn, mó baŋ vulan ndu o labɛngunin.

O Kandɔɔ 50:12

Mí poaa Yakɔb-a tosa mɛɛ fuɲa nda dimul nda yɛ.