Efɛsea 5:8 - BII BILA

⁸ Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Efɛsea 5:8 Referans Kwoze

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

Efɛsea 4:18

a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.

Nsaŋ 12:36

Telen niaa nɔ vɔ ɲɛ-tengaa-o, la laalan ɲɛ-tengaa, haliko mi la siŋnun cuavaa ɲɛ-tengaa.» Yeesu ciiyo sɔɛi lende, mó kɔannun, mó kɔ viannun nda lándán.

Esai 9:2

Òó Mɛlɛka, a vangala vannda ha ma kui taw, a yɔngu nda kɔlkɛndɔɔ taw-taw. A co ɲaaloo dɔwnɔnndo nɔm o hɔl mɛɛ vana dɔawnun ɲaale telen koavaa n'mallo yɛ, mɛɛ vana yonda a kɔlkɛndɔɔ o ɲɛm nda hɛlu yaamɔɔa o ba o cɔwvo-on piɔwvo nin yɛ.

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Efɛsea 6:12

Kani o co n'vanndaciee le naa co cɔlɔba le, kɛ kpaayala maɲumndan, vanaa mayoomua, masɛi a ɲinaa vɔɔŋaa co o halataala-a.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

2Korɛntea 6:14

La luei bollen o yɔm lebol pilɔɔ bɛngu niaa vanaa laalan te-a le. Kani ɔ́ɔ̀ bɛnda co ɲɛ sandu-o a ɲɛ sendu loo tɛɛn-ndo? Ɔ́ɔ̀ canyɛi co ɲɛ-tengaa a ɲumndan tɛɛn-nde?

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Rɔmnda 2:19

A laalan maa vana co vanaa sumɛiya tindaa see-o n co ni, ɲɛ-tengaa le vanaa co o ɲumndan nin-nda,

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Matie 4:16

vanaa co icali o ɲumndan nin-nda ce ɲɛ-tengaa bɛndoo, pangeloo tenga vanaa va icali o lɛŋnde vunduma piɔ́mnden nin-nda coo!»

Esai 49:9

Le vanaa co o biyɔɔ nin-nda dimullo aa: «La fula le vanaa co o ɲumma kaasoan nin-nda dimullo aa: «La fula nɛɛ vavonnda!» A dɔawnunnin balo o nɛilan demullo, a saalunnin bil puiyaa o dúkúdúkùla puleelan kpow coo.

Kalatea 5:25

Te n co pɛ yoomu o Kɔl-Diandaa nin, mɛɛ n kelan mɛɛ Kɔl-Diandaa yeema yɛ.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Esai 42:16

I yaanin vanaa sumɛiya o nɛi nda sina loo coo. I yaanin nda o pemama nda sina le-an coo. I mangalanin ɲumndan ɲɛ-tengaa nda o hɔl. I siinguunin kpolonndan dɛngbɛla tɛlɛlan. I tosanin dɛnnda lan kpow, o kɛ́-kɛ̀ i mɛinin le tosaa le.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Dɛnnda kiilaa 17:30

Hala co lɛhau telen vannda ve ndu kon sina loo tofa le, kɛ sunsun o co nda veeloo, nɛɛ-nɛɛ nda co, haliko ma mangala kelala ndalan.

Condii lisai 74:20

Loonun a kpema nɔmndo o kɔɔ. Kani fondala yifidiila co o lɛŋnden nin-ndan la co lapiaalan a bɛmɛlta vanaa kɔlvesɛiya.

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Matie 3:8

Mɛɛ la cɔm niko o dɛnnda niaalan nin maa la mangalan lekɛ́ndɛi dɛ!

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.