Efɛsea 5:4 - BII BILA

⁴ O bɛnda vɛlɛ mi sɔɔn vɔɔnndon, sɔɔn diɔmndon, te kon te sɔɔn nɔɔlɛiyon n fula niaa o lasondo le. Kɛ la sínà kɛndɛi Hala-e mì la va ndu balikaa mello.

Efɛsea 5:4 Referans Kwoze

Kolɔsea 3:8

Kɛ sunsun, niaa bɛɛ la mal dɛnnda lan kpow: kɔltuwvo, nɛyɔnndo, kɔlvesɛiyo, congulan a sɔɔn vɔɔŋun va niaa fulaa o sondo-on.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

1Tesalonikea 5:18

la vá Hala balikaa mello o dɛnndan kpow nin. Hɛnan Hala-o co kon le niaa o Yeesu Krista nin ni.

Talelan 15:2

Vana kɔlkaloo va pɛ sɔɛi, yeemɛi bii vana le pɛɛkoo sɔlaa ni. Kɛ sondola diɔmaa sondo vesɛiya lan, diɔmndon la pɛɛliaa ni.

Vana Kɔlkaloo 10:13

Kani o kandu pɛ sɔɛi o dimi sɔɔn idiɔmndon, o va vɛlɛ pɛ siowvo o dimi sɔɔn fondo-fondon.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Yude 1:10

Kɛ nda co lende le, a ɲɛ nda sínà loo o kɔɔ nda soaa diomnda vɔɔnndan ni, sɔɔn nda sínà yɛ pɛɛngu-on, mɛɛ visia yondoa sínà sɔɛi pɛɛngu yɛ koni nda sínà mun ni. Nduyɛ sɔɔn nda sínà mun-ndon n co nda tɛɛmbuuo ni.

2Korɛntea 9:15

N melnun Hala balika le kɛndɛi ndɔɛi bɛndui sulan he a ɲɛ-ɲɛ lei.

Marke 7:22

suundaa, ɲɛm pilan yeemaa, vana vɔɔnyɛi, kɔlkalu vɔɔndo, ilaasi-laasiei, paŋalaa, sɔɔn pɔmbɔn, yongaa a diɔmndon.

Condii lisai 92:1

Condii vana soli o paale pɛngiaalen coo-e.

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

2Korɛntea 1:11

Niaa bɛɛ, o bɛnda mì la va naa malaa o piɛilen nin, kani te vanaa bɔɔ-bɔɔ a piɛi pɛ le naa, Mɛlɛka co piɛile len muli. O kon vanaa bɔɔ-bɔɔ a sɔlanin kɛndɛi ken le naa mà mel Hala balika a naa o kɔɔ.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Talelan 12:23

Vana taasio cɔ́mnùn a sinapɛngu ndɔɔ le. Kɛ diɔmndo ndu, diɔmii ndɔɛi o pɛngɛla ni.

2Piɛr 2:7

kɛ mó ciindiaa Lɔt vana sandaa, o va o mɔnɛi nin le kela vɔɔn vanaa kan-ndo.

Condii lisai 33:1

Niaa vanaa sandaa, la viow kponyoo le Mɛlɛka, kani dɛnɛ kɛndɔɔ o co le vanaa sandaa ndu lisaa.

Filemɔn 1:8

Lelan, hali i nɔ bɛɛ dí nuaa taw o Krista nin le nɔm dɛnnda n nɔ le tosaa lan dimullo,

1Tesalonikea 3:9

N sínà bɛɛ mɛɛ naa n mel Hala balika le niaa le, kani la yɔngu naa ɲaaloo o lakɔl ndu o hɔl.

Efɛsea 1:16

i co pɛngi Mɛlɛka balikaa mello le niaa le, i co niaa yiyanndo coo o piɛilen nin.

Nsaŋ 6:23

Kɛ mí dɛ̀ndɛ̀la celen la fula Tiberiade, mí la hun o fonda Maalii ndóò dɔw buloo duaa mí vannda dia-o ikɛi.

Daniɛl 6:10

O kon, mí masaa Darius handu baa o tɔŋ yiinun kon-ndo coo.

Talelan 26:19

lende vana hui caanda, mò muungu mó dimi aa: «Mamɔɔlan ya i va ni»-o co ni.