Efɛsea 5:25 - BII BILA

²⁵ Niaa vanpiaandua, la kaola laandaa niaa mɛɛ Krista kaola kunda vanaa laalannda háá mì ndu pila yɔngu yoomu ndɔɔ le ndu yɛ.

Efɛsea 5:25 Referans Kwoze

1Piɛr 3:7

Niaa piaandua bɛɛ, o calii niɛi nin niaa laandua niaa, la sínà maa vanaa yenge-yengea vanlaandua co ni. La ke nda bɛɛlen, kani niaa ndaa loonin kɛndɛi yoomoo ni, haliko ɲɛ-ɲɛ tosa mì piɛile niaalen le haw le.

Kolɔsea 3:19

Vanpiaandua, vana-vana kaola laa ndɔ, la bii nda biyɔɔ vɔɔn te.

Efɛsea 5:28

Lende koni, vanpiaandua bɛnda mà kaola laandaa ndaa mɛɛ nda kaola dialun ndan yɛ. Vana-vana kaola pɛ laa ndɔ, mɛɛ ndu pila kaolan lende ni.

O Kandɔɔ 2:24

Lelan, vanapɔnɔɔ faŋannin fuɲa ndɔ a kala ndɔ, mò holnun laa ndɔ, mà siŋnun dialii pilɛi nda ŋiɔn.

Efɛsea 5:33

Kɛ le niaa sɔɛi he i co vɛlɛ ni. Mɛɛ mì vana-vana kaola laa ndɔ maa ndu pila, mì vana-vana ke pɔnɔ ndɔ bɛɛlen.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

O Kandɔɔ 24:67

Mɛɛ o cii, mí Isaak cua Rebeka, mó kɔa a ndu o cɛi-kola-toandaa Sara kala ndɔ-o nin. Mí nɔu luɛi nda tɛɛn, mó kaola ndu taw. Sɔɛi ken yɔŋ ni mí Isaak sɔla ɲɔɔloo le vu kala ndɔ vi-o.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

2Samiɛl 12:3

Vana bala fondoo ndu ndóò nɔ ɲɛ-ɲɛ celen te, fɔ saa laandu téndé ndóò pendu-o. Mó va ndu ɲɛdiaa yɔngoo, mó sul ndu o ba nda cuaambɔa ndɔa latulu. Ɲɛdiaa pilɔɔ ndáà dia nda saa laandu kon ni, o taala kólaa pilɔɔ nin ndáà kol nda ndu ni, ndu o ibuŋ ndóò lɔl ni. O va ndu o ba maa cua ndɔ.

1Timote 2:6

Ndu yɔngun ndu pila le vannda kpow baŋaa ni. Mí seile len le fula o telen bɛnda-o.

Efɛsea 5:24

Vanlaandua bɛnda mà tuisin a piaandaa ndaa o dɛnndan kpow nin maa mɛɛ kunda vanaa laalannda tuisin a Krista yɛ.

Condii kɛndɛ-kɛndɛi 1:11

N co nɔm yɔɔva n'sianio tosal mì n mɛli yɔɔvama volin humbuan lenin mapilɛn-pilɛn.