Efɛsea 5:23 - BII BILA

²³ Kani vanapɔnɔɔ co simlacinɔɔ le vanalanɔɔ ni, maa mɛɛ Krista co simlacinɔɔ le kunda vanaa laalannda yɛ, o co dialun ndɔn mo va vɛlɛ vana ciindiaa ndaa-o.

Efɛsea 5:23 Referans Kwoze

Kolɔsea 1:18

Ndu co diallon bollen ni, kunda vanaa laalannda pɛɛn. O ndu nin yoomu sɛnɛiyo kandun ni, ndu co Po tasoo ni, vana tase muungu yoomu fulaa vanvílɛ́iya tɛɛn-ndo, haliko mo yɔŋnun vana tasoo o nɛilan kpow coo.

Efɛsea 4:15

Kɛ te n dimi pɛ toɲaa o kaolaa nin, n hindunin o dɛnndan nin kpow le vaa maa Krista, o co naa bollen-ndo.

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

1Korɛntea 6:13

La co vɛlɛ dimio aa: «Le ɲɛm dian demboo co ni, mì demboo ndu va le ɲɛm dian.» Kɛ nduyɛ, Hala tɛɛmbuunin ndan tan tiɔn kpow. Diallon n co le suunda le, le Mɛlɛka n co ni, mì Mɛlɛka ndu va le diallon.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Efɛsea 5:24

Vanlaandua bɛnda mà tuisin a piaandaa ndaa o dɛnndan kpow nin maa mɛɛ kunda vanaa laalannda tuisin a Krista yɛ.

Dɛnnda cɔɔmuanndan 19:7

N dɔwnun ɲaale mì n vannun a kɔlkɛndɔɔ, mì n kennun ndu biiloo, kani kafo yiyaa nɔu tiiya le Saa téndóó, laa ndɔ kalaa cii bɛɛndian.