Efɛsea 5:21 - BII BILA

²¹ La biinan diomndan vellaa-velle le bɛɛle niaa co Krista keo len.

Efɛsea 5:21 Referans Kwoze

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Efɛsea 5:24

Vanlaandua bɛnda mà tuisin a piaandaa ndaa o dɛnndan kpow nin maa mɛɛ kunda vanaa laalannda tuisin a Krista yɛ.

Efɛsea 5:22

Niaa vanlaandua, la tuisin a piaandaa niaa maa mɛɛ niaa tuisin a Maalii yɛ.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

1Timote 3:4

O bɛnda mò va vana caa yungule ndɔlen biyɔɔ-o, vana cuavaa ndɔa tuei diom mà bii sɔɛi ndɔɛi-yo.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

1Timote 2:11

O bɛnda mì vanlaandua mei, mà sɔla pɛɛkoo o tuisin bɛndu-bɛndoo nin.

1Korɛntea 16:16

haliko mi la tuei vanaa vaa lende a vana-vana nda co vallo tosaa nda ndaa diom.

Talelan 24:21

Po nuu sei! Ke Mɛlɛka a masaa bɛɛlen. Del vanaa yeema le dɛnndan kpow yɛlɛmiaa-a kɔɔli le.

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

2Dɛnnda lemasalan 19:7

Lelan, la ke ndu bɛɛlen mì la caa taw. Kani Mɛlɛka Hala naa mel sandii lepɛŋnde haki le, o mel vannda hiyanndo handɔɔ tɛɛn haki le, o mel vɛlɛ vannda ɲɔɔn poondiaa o laba le luɛyɔɔninndo haki le.»

1Piɛr 2:13

La tosa le Maalii, mì la tuisin simlacia co vanndacieea kpede tɛɛn-nda o labɛngunin, o va masa bɛndoo,

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Nehemi 5:9

Mí dimi vɛlɛ aa: ‹La co ɲɛ kɛndɛ tosa le dɛ! O siòòŋii Hala naa nin niaa bɛnda le kelaa ni, yɔŋii siɛmbulan la bii naa vanaa súúla celennda o hɔl, yaamɔaa naa pɛɛn.

1Dɛnnda lemasalan 29:24

Mí simlacia a kuubaa cɔwva kpow a muungu masaa Salomɔn o ba bɛngu, hali poaa masaa David-a bɛɛ.

O Kandɔɔ 16:9

Mí mɛlɛkanɔ Hala-o dimul ndu aa: «Muungu vana nɔm bɛndoo o ibuŋ, mà kɔ tuisin ndu o labɛngunin.»

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.