Efɛsea 5:2 - BII BILA

² Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Efɛsea 5:2 Referans Kwoze

Nsaŋ 13:34

I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Kolɔsea 3:14

Kɛ hiovɔɔ o kon kpow coo, la vownun kaolaa maa volɔɔla cuɛinan, ndu nɔla niaa yiiyo latulu le vaa ɲɔɔ ndu pilɛ kpé ni.

2Korɛntea 2:15

Kani n co macoaa maa lasikɔlɔ cun kɛndɛ Krista-o le Hala. Lasikɔlɔ kon co le vanaa co kɔlan o cindaa nin-nda a le vanaa co kɔlan o lou nin-nda.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

1Korɛntea 16:14

La tosa dɛnndan kpow niaa tɛɛn o kaolaa nin.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

1Timote 2:6

Ndu yɔngun ndu pila le vannda kpow baŋaa ni. Mí seile len le fula o telen bɛnda-o.

Efɛsea 4:15

Kɛ te n dimi pɛ toɲaa o kaolaa nin, n hindunin o dɛnndan nin kpow le vaa maa Krista, o co naa bollen-ndo.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

1Tesalonikea 4:9

Hali mì n sɛval bɛɛ niaa a kaola bɛnda mò va vanaa laalannda tɛɛn-ndo o kɔɔ le, kani niaa pila sɔla pɛɛkoo Hala o ba maa la kaolian vellaa-velle.

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.

Tɔŋ lasálàá 1:17

O kon, o tɛnda yow kon o kumbanndan tɛɛn, kɛ o kilu kpali le, o lom ndu o kilin fonda-loamaa-lasálàn coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.›»

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Hebreea 9:23

Lende ɲɛm co o halataala-on kpede n bɛnda le dindinndo ni. Kɛ ɲɛm co o halataala-on nɔ makoo a sálàla hiow naŋɔɔ lan.

Efɛsea 3:19

O kon, o va bɛɛ maa kaola ndɔ kon hiow dɛnɛ sinaa kpow, kɛ mì la sínà ndu, haliko mi la va a piaa cá a bolofaa Hala-o.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Amɔs 5:21

«I hini lɛ kɔl a kafola niaalan te, la fula ya iyeema po-po! I yeema lɛ bɛɛ mì tuei cuungiannda niaalan tɔ́ɔ́ le few.

Tɔŋ lasálàá 1:9

à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Efɛsea 5:25

Niaa vanpiaandua, la kaola laandaa niaa mɛɛ Krista kaola kunda vanaa laalannda háá mì ndu pila yɔngu yoomu ndɔɔ le ndu yɛ.

1Korɛntea 5:7

La faŋa lɛvɛn hakio, mì la siŋnun maa kpeyan lindan sɛnɛiyo, o kon lɛvɛn venin niaa nin te. Kani Krista siŋnun saa téndóó le naa, le kafo-hiavaa-coo, Krista nda baŋ o yɔm singafilaa coo-o pɛɛn.

Rɔmnda 4:25

Le tɛɛmbuula naalan nda mal ndu vannda o ba ni, mó tendul le naa dio keo.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Rɔmnda 8:37

Kɛ o dɛnnda lan nin kpow, vana kaola naa-o tosa ni mí n va caanda tiwvo ba.

Tɔŋ lasálàá 3:16

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin-ndon co mun ni. Cuɛima fula cɔloo nin-ndan kpow ma co le ya Mɛlɛka.

Fulaa 29:18

A cii pɛ, a lom visin saa kóndó kon kpow o fonda-loamaa-lasálàá coo. Sálà loamaa solìn le ya Mɛlɛka-o co kon ni. Sálà loamaa co kon ni, o ya tuɛi cun mì ɲɔɔ hɛnan ya-o.

Fulaa 29:25

A cii pɛ faleŋii ken tosa, a bii mun nda o ba, a lom mun o yin o sálà loamaa co o fonda-loamaa-lasálàá coo-o coo, haliko mi tuei cun ndɔ kɛndɔɔ. Sálà ŋɔa o yin le ya Mɛlɛka-o co kon ni, o ya tuɛi cun mì ɲɔɔ hɛnan ya-o.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Efɛsea 5:15

Lelan, la caa taw a niinu niaa. La va lɛ maa n'diɔm te, kɛ la va vanaa kɔlkalua.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Hebreea 8:3

Vana-vana nda suili pɛ bolle vanaa-solia-lasálàá, baala ndɔɔ co ɲɛm-kéan yɔngoo a sálàlan solio ni. Lelan, o naa bɛɛ bɛnda mò nɔ ɲɛ o soli sálàá-o.

Tɔŋ miingua 27:6

A powta kpulukuulan, la nda sel te lan niaa bɛnda le Mɛlɛka Hala niaa fonda-loamaa-lasálà kon cowvo ni. O fonda-loamaa-lasálà kon coo niaa solulnin Mɛlɛka Hala niaa sálàla loamaalan ni,