Efɛsea 5:15 - BII BILA

¹⁵ Lelan, la caa taw a niinu niaa. La va lɛ maa n'diɔm te, kɛ la va vanaa kɔlkalua.

Efɛsea 5:15 Referans Kwoze

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

Nsaki 3:13

Nɛ̀ɛ́-nɛ̀ co yɛ vana kɔlkaloo a vana sinaa dɛnɔɔ o niaa tɛɛn? Vana kon bɛnda mò cɔm o kela ndɔ kɛndɔɔ nin maa dɛnnda ndɔlan la fula o tuisinndo nin a o kɔlkaloo nin.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Talelan 14:8

Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.

1Timote 6:9

Kɛ nduyɛ, vanaa co bolofaa yeemaa-a a co delɔɔ o dɛɛniaa nin, mà va hawvo o yaŋɔɔlen, a co delɔɔ o tuula vɔɔnda idiɔmndan taw nin, la yaa vannda o ɲánndávàà mì ɲɔɔn kpow n cuu nda o laba lan.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

1Tesalonikea 5:15

La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.

Luke 24:25

O kon mí Yeesu dimul nda aa: «Niaa vanaa nɔ haa kɔlkalu le-a, kɔlta niaalan la yala sɔɔn vanaa-tɛɛngaa-diom Hala-a dimi-on biyɔɔ le!

Kalatea 3:3

La tosa bɔɔ diɔmii bɛndu! Niaa kandu dɛnɛ kɔllo ɲɛkɛndɛi-ya, vɛ́ mɛɛloo a dɛnnda n'falulan?

SƐBƐ YƆB-O 2:10

Kɛ mí Yɔb mulul ndu aa: «A soaa ko maa diɔm! O co ka dɛnɛ kɛndɔɔ kínɛí le naa n sɔ̀là Hala o ba le. Te n cɛl pɛ dɛnɛ kɛndɔɔ maa ɲɛ-kéa fula Hala o ba-o, vɛ n cɛl niko vɛlɛ dɛnɛ palaa lende le?» O kon nin kpow, Yɔb dimi diomnde tana le.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Matie 27:24

Mí Pilate ca maa ndóò nɔla lɛ ɲɛ-ɲɛ tosa le, kani vannda va hiovɔɔ laci a vɔngaa. Mó kɔandu mɛnndan, mó pulu balan nda kpow o hɔl, mó dimi aa: «I nɔ laba o sɔɛi piɔ́m vana sandaa ho nin te. Niaa pila sɔɛi piɔ́m ndɔɔ co coo ni.»

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Matie 8:4

O kon mí Yeesu dimul ndu aa: «Dimul vana-vana ndi le, kɛ kɔ cɔmnun vanaa-solia-lasálàá, mà soli sálà Moise dimi-o, haliko mi ndu va seilen le nda.»

Efɛsea 5:33

Kɛ le niaa sɔɛi he i co vɛlɛ ni. Mɛɛ mì vana-vana kaola laa ndɔ maa ndu pila, mì vana-vana ke pɔnɔ ndɔ bɛɛlen.

2Samiɛl 24:10

O kon kɔɔli, mí kɔllo kandu David fulaa, mí ndu pila yaalan le cɔm o cɔm kon Israɛlla mó sɛva nda-o, mó dimul Mɛlɛka aa: «I cua hakio taw. I tosa bɔɔ dɛnɔɔ maa diɔm. Lelan Mɛlɛka, mal-la haki yandi, ya vana nɔm baalaa.»

Fulaa 23:13

La bɛnda mì la bii sɔɔn ya dimul niaa-on kpow. La sooluu halaa celen te, la pial bɛɛ nda diolan te.»

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

Matie 27:4

Mó dimul nda aa: «I tosa yɔŋ vɔɔndo le vana tɛɛmbuu isɔɔ loo malɔɔ vannda o ba le ndu diyɔɔ.» Kɛ má mulul ndu aa: «O co sɔɛi naa le co ken te! Nɔm sina ken ni!»

Matie 25:2

Felengia nɔ taasi le-a va nda tɛɛn nda ŋuɛɛnu, a nɔ taasio-a nda ŋuɛɛnu.

Condii lisai 73:22

mí siŋnun diɔm sondo vesɛiyo, i ve ɲɛ-ɲɛ bila biyɔɔ le, mí siŋnun maa visi nɔm o hɔl.

Talelan 15:21

Diɔmndon nɛŋì vana pe lebol too kɔl ni, kɛ vana kendu kɔl-lo, sanaa o kɔa nɛi ndɔɔ kɔɔli ni.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.