Efɛsea 5:12 - BII BILA

¹² Kani dɛnnda vanaa kan co tosaa o vionnɔnndo nin-ndan, siɛmbulan la bii vana le lan dimio ni.

Efɛsea 5:12 Referans Kwoze

Efɛsea 5:3

Yungu co le Hala-o niaa co ni, lelan o bɛnda mì vana saalun bɛɛ dɛnɛ nɔɔlɛi súú oo súù a dɛnɛ laasiɛi kɛ́-kɛ̀, te kon te yeemɛi vɔɔnde niaa tɛɛn te.

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

2Samiɛl 12:12

Kani nɔm tosa o vionnɔnndo nin, kɛ ya Mɛlɛka, i mingulnin nɔm ndu Israɛlla kpow o hɔl ipala déŋ.›»

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Talelan 9:17

«Mɔima levuiyan ma yeela, ɲɛdiaa vana dia o vionnɔnndo nin-ndo naŋ bɔɔ.»

Efɛsea 5:11

La vow balan o dɛnnda fondola vannda co tosaa o ɲumndan nin-ndan nin te, la cɔɔmuu lan ceen kpendekele.

Efɛsea 5:13

Kɛ dɛnnda lan kpow la fula pɛ ceen kpendekele, ndu siŋnun ɲɛ-tengaa.