Efɛsea 4:9 - BII BILA

⁹ Nduyɛ, kɔlɔ yɛɛ diomndo ho nɔ yɛ aa: «O hel»? Kon co dimio ni maa o tol fɔlɔn o fondala co o lɛŋnden bɛngu lan di-di.

Efɛsea 4:9 Referans Kwoze

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Nsaŋ 6:33

Kani ɲɛdiaa Hala-o, ndu co o fula o halataala mó ke ceendo cindaa-o ni.»

Talelan 30:4

Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!

Condii lisai 63:9

I yɔngun nɔm a kɔl nuu kpede, nduyɛ kpaaya nɔmndo co ya malaa.

Hebreea 2:9

Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Condii lisai 8:5

yɛɛ vanacieo co yɛ, ma yiyan ndu coo? Yɛɛ nɛ po vanacieo co yɛ, ma landu hɔlla ndu coo?

O Kandɔɔ 11:5

Mí Mɛlɛka toal, mó hun mɛɛndan kobio a cɛi coocoo vanndacieea va tangullo-o.

Hebreea 2:7

A dɔɔniaa ndu hiovɔɔ mɛlɛkaa coo le telen bingi, má ke ndu biiloo a bɛɛlen,

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.

Nsaŋ 6:62

Te la hun cɔ yɛ pɛ niko Po vanacieo helɔɔ nɛɛ o va o tasendɔ-a, vɛ̀ɛ̀ niaa dimi yɛnin?

Nsaŋ 6:58

Ɲɛdiaa fula o halataala-o co kon ni. O co maa o fuɲaa niaa vi-a de-o le. Vana de pɛ ɲɛdiaa hoo, o vanin yoomu le fɛɛn a fɛɛn.»

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Nsaŋ 6:41

Mí Yuifia soaa sɔɔn pɔmbɔn a ndu le tùú o dimi maa ndu co ɲɛdiaa fula o halataala-o ni.

Nsaŋ 6:38

kani i fula o halataala mì toal le hɛnan ni tosa le, kɛ le hɛnan vana vem ya-o tosaa.

Esai 44:23

Niaa co o halataala-a, la dɔwnun ɲaale, kani Mɛlɛka tosa isɔɔ! Niaa co o lɛŋnden bɛngu di-di-a, la deŋi a kɔlkɛndɔɔ! Niaa pembon, la piɔndi a yoondiaala kɔlkɛndɛlan! Niaa bundɛlan bɛɛ, la dɔwnun ɲaale a yɔmii niɛi kpow! Kani Mɛlɛka baŋa polale Yakɔb len. O cɔm biilu ndɔɔ o cuavaa Israɛlla nin.

Condii lisai 139:15

Telen n va ya cɔvɔɔ o vionnɔnndo nin, ma va ya mɔɔsiaa kala nuu o dembe-o, dialun nun n ve n vianaa le nɔm te.

Fulaa 19:20

Mɛlɛka ndóò tol o pembei Sinai bollen di-di, lon o veelu Moise ni, mí Moise hel.

Esekiɛl 31:14

Kon tosan haliko yɔm oo yɔm co o mɛnndan kɔngɔ o bandu lɛ lende taw-taw le, bolle ndɔlen le hiaw lɛ yɔmii bɔɔla yukɔnnde bandei le. Kon tosan vɛlɛ haliko yɔm oo yɔm nɔ mɛnndan lebɛngu taw, ndu hindu lɛ mò hel coocoo lende le. Kani yɔmii ken faw i co imandaa le vuo, le tolɔɔ o puuloo bɛngu di-di vanndacieea vi-a tɛɛn nda vanaa co tolɔɔ o soon bɛndoo nin-nda latulu.»