Efɛsea 4:32 - BII BILA

³² La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

Efɛsea 4:32 Referans Kwoze

Marke 11:25

Telen niaa co cɔnɔn isisi le piɛilen-ndo, te sɔɛi pum co pɛ niaa o kɔl a vanndo pum, la mal ndu haki, haliko mi fuɲa niaa co o halataala-o bɛɛ mal niaa haki le tɛɛmbuula niaalan.

2Korɛntea 2:10

Te la mal pɛ vanndo haki le tɛɛmbuu o tɛɛmbuu-o, ya bɛɛ i mal ndu haki. Kani o kɛ́-kɛ̀ ya mal pɛ haki, i mal ndu haki le niaa Krista o hɔl,

Efɛsea 5:1

Le tùú niaa co cuavaa Hala kaola-a-o, la kindin mì la tuula ndu o niinu niaa nin.

Luke 6:35

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

Luke 6:37

«La kialu yamɛi vana le, haliko yamɛi kilun niaa le. La yaala vana le, haliko vana yaala niaa le. La mal caanda haki, haliko mi niaa bɛɛ sɔla hakio malɔɔ.

1Korɛntea 13:4

Biwnɔnndo kaolaa biwnun ni, o nɔ kɛndɛi, o paŋala le, o kuundian te, o pe a yonga le,

Luke 17:4

Te o tosa pɛ yɔŋ vɔɔndo leŋɔmmɛw o paalen nin, mò hin vɛlɛ bɛmbɛ leŋɔmmɛw, mò dimul nɔm aa: ‹I cee le›, a mal ndu haki.»

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Condii lisai 145:9

Vana kɛndɔɔ Mɛlɛka co le vanndacieea kpow ni, o kaola ɲɛm o cɔw-von kpow.

1Nsaŋ 2:12

Niaa cuavaa nia hɛnan ya-a, i co niaa sɛval, kani hakila niaalan la malnun haki le diola ndɔlan.

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

2Korɛntea 2:7

Lelan, sunsun, o bɛnda mì la mal ndu haki, mì la luei ndu yoomuan yɔŋii vana kon tambu kɔllo háá mò ŋɔɔcan.

Nsaki 5:11

La tofa vɔ, n cua nda maa vanaa sɔla dɛnɛ kɛndɔɔ-a nda co ni, vanaa bii kpáŋ má lo lecoo-a pɛɛn. La tuei a biuvɔn Yɔb-o o kɔɔ, la ce ɲɛ Mɛlɛka yɔngu ndu o mɛɛlulan-ndo, kani vana iɲííyo a vana ikɛndɔɔ Mɛlɛka co ni.

2Korɛntea 6:6

N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,

Luke 11:4

Mal naa haki le hakila naalan, kani naa bɛɛ, n co vanaa-vanaa co tɛɛmbuuo a naa hakio malɔɔ. Mal naa mì n del o dɛɛniaa nin te.»

Luke 1:78

A toɲa, Hala naa nɔ bɔɔ dɛnɛ kɛndɔɔ, o solinin ɲɛ-tengaa fulaa coocoo, mò dindi naa maa ɲɛ-tengaa paale siaa,

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

Talelan 19:22

Ɲɛ vana yeema vanacieo o ba-o co lou o diomnden coo ni. Vana bala fondoo co fisa a vana lacòòvaa.

Talelan 12:10

Vana sandaa nɔ hɔlten cɔlua ndɔa coo, kɛ vana kɔlvesɛiyo ndu, kpoku-kpoku o co ni.

Condii lisai 112:9

Mò ke vanaa bala fondoa ɲɔɔn taw, dɛnɛ sandaa ndɔɔ vanin le fɛɛn a fɛɛn. O nɔnin kpaayaa, mì vannda ke ndu bɛɛlen.

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

Dɛnnda kiilaa 28:2

Mí vanaa co o lɛŋnde len nin-nda a tosal naa dɛnɛ kɛndɔɔ. Má biilu naa, má kiisuu yinnde bɛndulen, mí n balu len sɔ́, kani piɔɔ va siaa, hoeiye i va vɛlɛ.

2Samiɛl 7:21

Le sɔɛi n soo-e a le mɛɛ kɔl nɔmndo co yɛ n tosa dɛnnda bɛndulan ndan le ya lan cɔmndo ni.

Talelan 19:11

Vana nɔ taasio-o biwnùn taw. Ɲɛ o kennùn le tosaa-o co tɛɛmbuu nda tɛɛmbuu a ndu-o hakio malɔɔ ni.

Yeremi 38:12

Mí Ebɛd-Melɛk Etiopiinɔ dimul Yeremi aa: «Vownun volɔɔla yuululan ndan nɔm o lavɔɔn, má kei yoei lecoo.» Yeremi tosaa lende,