Efɛsea 4:3 - BII BILA

³ La kindin o nɛi oo nɛi coo mì la manda diom pilɛ Kɔl-Diandaa yɔnguo mɛɛ niaa sɔla veeloo o kɔlɲulu pilɔɔ nin yɛ.

Efɛsea 4:3 Referans Kwoze

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

Nsaŋ 13:34

I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

1Tesalonikea 5:13

La ke nda bɛɛlen mì la kaola nda le baala nda co tosaa-o. Kɔlɲuloo vá niaa pilaa tɛɛn.

Efɛsea 4:4

Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.

Efɛsea 4:13

Te o va yɛ pɛ lende, mɛɛ naa kpow n vanin diom pilɛ o laalanndo nin a o Po Hala-o sinaa nin. N siŋnunnin kaasonnda, o kon mì n tiiya mɛɛ Krista co o tiivɔn ndɔɔ nin yɛ.

Fulaa 28:32

Mì doma bɛndu kon va o bulia tɛɛn le bollen lueiyo lon. Mì vanaa lɔaa lakolaa sɔɔluu bolola bulin lan-ndan ɲɛkɛndɛi, yɔŋii la sɛɛsa.

1Masaa 16:21

Simri vuo, mí Israɛlla koma piɔvan kundalan tan tiɔn: vanaa tasea ndáà yeema mí Tibni, po Kinat-o ndóò siŋnun masa ndaa, kɛ mí a pilla nda sim Ɔmri kɔɔli.

Vana Kɔlkaloo 4:12

Vanaa ŋiɔn a nɔla mà simul vana óò delnin vana pilɛ coo mì ndóò nɔla ndu-o. Yoole lɔnnun a kɛilan tan yáá len le yala siɔŋ te.

Marke 3:24

Te masalen pila le simulun pɛ, masale len le nɔla kpaayaa sɔlaa le.