Efɛsea 4:26 - BII BILA

²⁶ Te la tuulu pɛ kɔl, la caa taw yɔŋii niaa cua hakio. La lo a kɔl tambɛiyo háá mì paalen le del te.

Efɛsea 4:26 Referans Kwoze

Nsaki 1:19

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Condii lisai 4:4

La sinà hee pɛngu: Mɛlɛka kuundiaa vana lo o lediom coo a ndu-o ni. Te i veelu pɛ Mɛlɛka, o tuei ya diom.

Condii lisai 37:8

Mal kɔltuwvo, ma mal kɔlfulaa. Tuulu kɔllo le, yɔŋii n tosa dɛnɛ vɔɔndo.

Vana Kɔlkaloo 7:9

Keleŋa kɔllo tuulu le, kani vana diɔm sondo vesɛiyo nɛi kɔl itambu le.

Talelan 14:29

Vana yàlà kɔl tuulu o dɛnɔɔ loo co vana tasio ni, kɛ vana keleŋa kɔl tuulu-o tosà diɔmnde.

Talelan 19:11

Vana nɔ taasio-o biwnùn taw. Ɲɛ o kennùn le tosaa-o co tɛɛmbuu nda tɛɛmbuu a ndu-o hakio malɔɔ ni.

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Marke 3:5

O kon mí Yeesu keela nda hɔlten coo a kɔl tambɛiyo a á mɔnɛi le nila kalula ndalan, mó dimul langbanɔɔ aa: «Siɛndi baa!» Mí langbanɔɔ siɛndi baa, mí ba ndɔɔ siangun.

Kundalan 20:24

«O lo ɲɛ-pɔmbɔ mì Aarɔn dem vanaa ndɔa ciee-piɔ́m. O lueinin o lɛŋnde ya yɔngu Israɛlla len nin te, kani la sɛɛngiaa ya a dɛnɛ mɛnndan Meriba o kɔɔ.

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Talelan 25:23

Mɛɛ hoeyii fula a luaŋ-ndo-e hun a piɔɔ yɛ, lende yondala caabiyɛilan la hun a kɔlta tambɛilan ni.

Fulaa 11:8

Mí Moise cɔɔlu vɛlɛ dimi aa: «Paale len le tiiya pɛ, vanaa baalaa nɔmnda ha kpow a hunnin, mà del-la o labɛngunin, mà dimi aa: ‹Cua vanaa nɔmnda mì la kɔɛ›. O kon, i cuanin nda mì n kɔɛnnun.» Mí Moise fula o Faraɔnnɔɔ lo a kɔltuwvo taw.

Tɔŋ miingua 24:15

Lepalaa-lepala, telen pá mì paalen le del, la bɛnda mì la va ndu sala ndɔɔ yɔngoo. Kani vana bala fondoo o co ni, sala kon o tiindan ni, o co ndu cumndo a yeemɛi taw. Te la tosa lende le, o koŋul pɛ o Mɛlɛka lo a niaa o sondo, mɛɛ hakio niaa cua lende ni.

Nsaki 1:20

Kani kɔltuw vanacieo tosa dɛnɛ sandaa Hala-o le.

1Samiɛl 20:34

Mí Yonatan can tangban a kɔltuwvo o tabali nda va dioo-o, mó faŋan. O paale diinndɔle kafole len coo, o cɛl lɛ le ɲɛ-ɲɛ dio le, kani kɔl tambɛiyo va ndu le yeowla fuɲa ndɔ yeow lan David lan.