Efɛsea 4:25 - BII BILA

²⁵ Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

Efɛsea 4:25 Referans Kwoze

Kolɔsea 3:9

La dimulan còòlan te, kani la cii vanacieeyɛi niɛi paanduei malɔɔ a kaala ndɔlan,

Sakari 8:16

La tuei-yɔ ɲɛ niaa bɛnda le tosaa-o la dìmulán toɲaa vellaa-velle, la kiolu yamɛi o sandei nin mì kɔlɲuloo luɛi.

Talelan 12:22

Vanaa lacòòvaa nɛinun bɔɔ Mɛlɛka. Vanaa toɲaa hɛnan ndu ni.

Rɔmnda 12:5

lende naa n co sɛ́lɛ́ ni, kɛ falei ndii pilɛ kpé naa n co o Krista nin ni. Falon naa n co n'yiinanndon vellaa-velle ni, vana-vana o fonda ndɔ.

Efɛsea 4:15

Kɛ te n dimi pɛ toɲaa o kaolaa nin, n hindunin o dɛnndan nin kpow le vaa maa Krista, o co naa bollen-ndo.

Talelan 12:17

Vana dimi toɲaa-o cɔm dɛnɛ sandaa vakpa ni, kɛ sei lacòòvaa ndu kafalan la hɛnan ndu ni.

Talelan 8:7

A toɲa, sɔɔn toɲan fula ya o sondo ni, kani sɔɔn lacòòvan nɛinun ya bɔɔ.

Talelan 12:19

Sɔɛi toɲɛi viaw lɔ́ɔ́-lɔ́ɔ̀ ni, kɛ sɔɛi lacòòvɛi ndi le telen bingi cúkpɛ̀ i viaw ni.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Tɔŋ lasálàá 19:11

La yɔ́ŋ levui le, la dímùl caanda lacòò mì la tosal nda lakafa le.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.

2Korɛntea 7:14

I lisan bɛɛ ɲɛ-pɔmbɔ ndu o hɔl a niaa o kɔɔ, siɛmbula bii ya le. Maa mɛɛ naa n dimul niaa dɛnndan kpow a toɲaa-e, mí lisan naa n lisan Tite o hɔl-lo siŋnun toɲaa.

Tite 1:12

Vana-tɛɛngaa-diom Hala-o pum dimi ni, Keretiinɔɔ pɛɛn aa: «Vanaa lacòòvaa Krɛtia co lɔ́ɔ́-lɔ́ɔ̀ ni, maa visia biyaa nda co ni, vanaa siɛlɛyaa yeema dioo tuŋ-nda.»

1Korɛntea 10:17

Le mɛɛ buloo co ndu pilɛ yɛ, n va bɛɛ sɛ́lɛ́, dialii pilɛi kpé naa n co ni, kani bulu pilɔɔ kpé naa n co dioo ni.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Esai 63:8

Mí ndóò dimi aa: «Vanaa niaa kpeekpei nda co ni, cuavaa fulanin ya kɔɔli le-a nda co ni!» Le hee, mó yɔŋnun vana ciindiaa le nda.

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

Talelan 21:6

Bolofaa vana sɔlà a còòlan-ndo, maa kumnde o co le vanaa co piɔ́mndo nuwviaa-a ni. O viw vana o ba le.

Talelan 6:17

Lan la co lan ni: Tofa yongaa, sondo dimia lacòòvaa, bala diw vanaa tɛɛmbuu isɔɔ le-a lan,

Condii lisai 119:29

Faŋa ya o nɛila vɔɔnndan coo, mà tosal-la kɛndɛi, mì kela o nɛila tɔŋ nɔmndo coo.

Condii lisai 52:3

Nɔm vana kpaayaa ho sei! Le yɛɛ n co yɛ lisanndo le dɛnɛ vɔɔn n tosa hoo-o? Vanakɛndɛyɛi Hala-e vanin le lɔ́ɔ́-lɔ́ɔ̀.

Efɛsea 5:30

kani dialle ndii pilɛ naa n co o kɔɔle ndɔlen nin ni.

1Masaa 13:18

Kɛ mí vana-tɛɛngaa-diom Hala yuuvɛi kon lamban sɔɛi he lafi-lafi, mó dimul ndu aa: «Ya bɛɛ vana-tɛɛngaa-diom Hala-o ya co maa nɔm ni, Mɛlɛka pila vim ya mɛlɛkanɔɔ le ya hunɔɔ dimullo ni maa naa n muungu naa ŋiɔn o ya lo cɛinin, mà kɔ dio ɲɛdiaa, mà kol.» Nduyɛ còòlan fúú o va ndu dimul kon ni.

Fulaa 23:7

La luei balan o sɔɔn lacòòvan nin te. La dii vana tɛɛmbuu isɔɔ loo le, la dii vana sandaa le. Kani ya Mɛlɛka, i ci vana tɛɛmbua tɔŋndo vana sandaa le.

Condii lisai 15:2

Fɔ vana co kelaa o nɛi toɲaa coo-o. O co dɛnnda sandaalan tosaa, mò va toɲaa dimio a kɔl ndɔɔ kpede-o.

Talelan 24:28

Tɛndal vana niaa cal-lo seile lakafalen te. Vɛ̀ɛ̀ ma dimi còòlan?

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Efɛsea 4:31

Niaa kpow, la mal nɛyɔnndo, mì la mal kɔltuwvo, kɔlfulaa, deŋio, yeowlan a dɛnɛ kɔlvesɛi súú oo súù.

Kolɔsea 3:8

Kɛ sunsun, niaa bɛɛ la mal dɛnnda lan kpow: kɔltuwvo, nɛyɔnndo, kɔlvesɛiyo, congulan a sɔɔn vɔɔŋun va niaa fulaa o sondo-on.

Hebreea 12:1

Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

Masaa kialaa n'yamaa 16:11

Mó mulul ndu aa: «Te vana yii ya pɛ a yoei sɛnɛi vana soli vɔ kpeku oo kpeku lei, i fula yoomuan, i muungu maa vanndacieaa tɔ̀a.»