Biblia Todo Logo
Bib sou entènèt

- Piblisite -




Efɛsea 4:22 - BII BILA

22 Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Gade chapit la Kopi




Efɛsea 4:22
27 Referans Kwoze  

N sínà maa vanacieeyɛi nɛi paanduei baŋnun o yɔm singafilaa coo a ndu latulu, haliko mi dialun hakion siŋnun ɲɛ fondoo fúú, yɔŋii naa n va vɛlɛ cɛa hakia.


Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan.


Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.


Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.


Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.


Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.


Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.


Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,


Lende nda sɔlanin sala dɛnɛ sandaa lepɛŋ nda tosa-o ni. Ipala déŋ ɲɔɔ hɛnan nda le yeemɛi ndɛi vɔɔnde peeloo ni, sɔɔn lasiɛmbon a sɔɔn bɛɛtambɛiyon kposon nda tosa ni: a cɛn pɛ a luɛi niaa coo o cuungiannda niaala diaalan coo, kɛ nduyɛ huiyo koni nda co niaa ni.


Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.


O ndu nin koni niaa dii toomaa ni, tooma vanaciee dii vana loo, kɛ tooma fula Krista o ba-o, o baŋa naa ceen naa lahakio o ba-o.


Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.


Taa muungu pɛ Vana-Kpaayaa-Kpow o ibuŋ, a muungunin o fonda nɔmndo, mà faŋan dɛnɛ sandaa lepɛŋndo levil polon o calta nɔmndan.


Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.


Yonga nɔm bɛndoo co nɔm palaa ni. O powta kpovalan tɛɛn calta nɔmndan la co ni, a cii lan heelu coocoo ningo-ningo, ma va ɲunanndo o kɔl nin aa: ‹Nɛ̀ɛ́ nɔla yɛ ya tuisi lɛŋ?›


kɛ mó ciindiaa Lɔt vana sandaa, o va o mɔnɛi nin le kela vɔɔn vanaa kan-ndo.


La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.


Kani la tuei tɔ́ɔ́ la ɲɛ ya tosa lɔ́ɔ́ kon-ndo, telen ya va o kaannde Yuifia-o: i va vanaa Hala-a yɛlen tollo a labɛɛla kpeekpei, mí va kindinndo le nda puusiaa.


O kon, mó ɲuna ndu aa: «Ma lo ilaasi-laasiei he a mɔiyan háá lɔ́ɔ́ kuɛɛ nɛ? Fula mà kɔ kiolun mɔima nɔmndan o hɔl nɛɛ celen.»


Kani o tɔŋndo nin hakio sɔla kpaayaa ni, mó hui ya a tɔŋ kon, o kon mó dii ya a ndu.


Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.


Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.


Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.


Niaa kpow, la mal nɛyɔnndo, mì la mal kɔltuwvo, kɔlfulaa, deŋio, yeowlan a dɛnɛ kɔlvesɛi súú oo súù.


Swiv nou:

Piblisite


Piblisite