Efɛsea 4:2 - BII BILA

² La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

Efɛsea 4:2 Referans Kwoze

1Korɛntea 13:7

Dɛnndan kpow kaolaa mal haki ni, mò laalan ndan kpow, mò tiindan ndan kpow, mò yulu kpow.

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Talelan 3:34

Mamɔɔ Mɛlɛka mam vanaa mam ndu mamɔɔ tɛɛndanndo-a ni, mò tosal vanaa tuisin nda pila tootoo-a kɛndɛi.

Kundalan 12:3

Nduyɛ vana tuisian bɛndoo pila Moise va ni, ndóò hiow tuisinndo a vana-vana o lɛŋnden coo.

Condii lisai 138:6

Mɛlɛka co coocoo dí, o co vanaa tuisin tootoo-a cɔu, o co nɛɛ levil, o co vanaa yongaa sinaa.»

1Piɛr 3:15

Kɛ la ke Krista co Maalii-o bɛɛlen o kɔlta niaalan nin. La va lɔ́ɔ́-lɔ́ɔ̀ a bɛɛndiannda, haliko te vanndo ɲuna pɛ niaa le kɔlɔ niaa nɔ kɔlkɛsiaa-o, la tɛɛsial ndu kɔlɔ kon.

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Sofoni 2:3

Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»

Dɛnnda kiilaa 20:19

I tosal Mɛlɛka baalaa o tuisin bɛndoo nin, a mɛmɛan o lahɔl, mí sɔla sangalan le dúmbúla Yuifia va ya yiiyo lan.

Talelan 16:19

Calle o tuisinndo nin o kunda vanaa bala fondoa tɛɛn co fisa, a bolofaa cɔwvo piɔvanndo niaa vanaa yongaa.

Marke 9:19

Mí Yeesu mulul nda aa: «Kpòkóó, niaa vanaa nila kalua ha! Háá lɔ́ɔ́ kuɛɛ ya lo yɛnin niaa ikɛi? Háá lɔ́ɔ́ kuɛɛ ya lo yɛnin niaa biuvɔnndo? La cuu ya poombɔ kalaa!» O kon má yoo ndu ndu.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Condii lisai 45:4

Yiinun mɔɛi nɔmii cɔwve o càŋ, nɔm kuubanɔ kpaayaa ho. Mɔɛi ken cɔm biilu nɔmndo a naŋɔɔ nɔmndo ni.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

Vana Kɔlkaloo 7:8

Dɛnɔɔ siowvo hiow naŋɔɔ a ndu kandɔɔ, kɔl biuvanndo nɔu co fisa a kɔl yongaa nɔu.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.