Efɛsea 4:19 - BII BILA

¹⁹ A nɔ lasiɛmbu le, a luɛi yeeman vɔɔŋun co nda o lakɔl-lon tosaa, a co pɛngi dɛnnda nɔɔlɛila súú-súù ka tosaa le, yeemɛi co nda le hiovɔɔ laci o dɛnnda lan nin tuŋ.

Efɛsea 4:19 Referans Kwoze

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Dɛnnda cɔɔmuanndan 18:3

Kani vanaa-mangalaa-isɔɔa kpow a kol mɔima kɔltuwma dɛnɛ laasiɛi ndɔɔ. Masaa co o lɛŋnden coo-a vow balan o dɛnɛ laasiɛi ndɔɔ nin, mì yulaa co o lɛŋnden coo-a sul a kpaaya co o bolofaa dɔ́ɔ́ nin-ndo.»

2Piɛr 2:22

Mí ɲɛ tale toɲaa pum dimi-o tosalan nda aa: «Tunndo de ɲɛ o kuusuu-o, te kon te aa, ciiyo dɔ́ɔ́ pewvo pulɔɔ, mó kɔ del o loolio nin.»

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

SƐBƐ YƆB-O 15:16

vɛ̀ɛ̀ o laalan yɛnin vanacieo, ó laasian hoo mó fula o báánin-ndo? Ó co hoo dɛnɛ sandaa lepɛŋndo kolɔɔ maa mamɛn-ndo!

Marke 7:22

suundaa, ɲɛm pilan yeemaa, vana vɔɔnyɛi, kɔlkalu vɔɔndo, ilaasi-laasiei, paŋalaa, sɔɔn pɔmbɔn, yongaa a diɔmndon.