Efɛsea 4:17 - BII BILA

¹⁷ Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Efɛsea 4:17 Referans Kwoze

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

Kolɔsea 2:4

I co hee niaa dimullo, yɔŋii vana hiŋ niaa hɔlla a sondo yeelɛi fondoo.

1Piɛr 1:18

Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Dɛnnda kiilaa 18:5

Kɛ Silas nda Timote hunɔɔ fulaa Maseduan, mí Pol muungu vannda pɛɛkoo daama, mó va Yuifia dimio o hɔl maa Yeesu co Krista ni.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Yeremi 42:19

Niaa vanaa tɔ̀a Yuda, diom Mɛlɛka co niaa dimullo-o co hoo ni aa: O bɛnda mì la kɔɛ Esipte le! La sinà maa i cii niaa hau tanaa hendul.

2Timote 4:1

I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Efɛsea 1:22

Mó kɛsi ɲɔɔn kpow ndu o labɛngunin, mó siinguu ndu vana lebollo le vanaa laalannda,

Kalatea 5:3

I co vɛlɛ ndi cɔɔlu dimi le vanpiaandua kɛ́-kɛ̀ co yɔngɔnndo le toomaa diyɔɔ: mɛɛ mà bii niko sɔɔn tɔŋndo dimi-on kpow.

Kalatea 3:17

Ɲɛ ya yeema le dimio-o co ni maa, sɛbɛ lesei Hala pila cii toosiaa ɲɛkɛndɛi-yo nɔla tambei le tɔŋ mɛɛlu hunɔɔ o vɔsilan kɛmɛ lehiɔɔlu a beleyaa kɔɔli-o le, te ken i tosan pɛ mɛɛ kpema Hala-o nɔ kpaaya le.

2Korɛntea 9:6

La yiyan maa vana saŋ pɛ ɲɛ-pɔmbɔ, ndu koawnin ɲɛ-pɔmbɔ. Vana saŋ pɛ taw, ndu koawnin taw.

1Korɛntea 15:50

Puapilɛa nia, ɲɛ ya co dimio-o co hoo ni, dialun puulon a koovan nɔla kɛ Masale Hala len sɔlaa le. Lende vɛlɛ koni, ɲɛ vu-o nɔla mò va ɲɛ pilɛ a ɲɛ vi loo le.

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Nehemi 13:15

O telen pilɛ kon bɛngu, mí ca vanaa va o tàndá Yuda-o nin-nda rɛsɛnndon nɛwvo o doolaa nin o paale pɛngiaalen coo. A pum va tumbula n'mal-tan vilio, a pum nda va mɔiyan, rɛsɛnndon, bumbuuon, a ɲɛm súú-súù ka heeloo sofɛlɛa o lakɔɔ le hunɔɔ a mun Yerusalɛm o paale pɛngiaalen coo. Mí ciŋilan nda, mí kanalan nda le ɲɛm mun pisio o paale pɛngiaalen coo.

Luke 16:28

puapilɛa nia co lon nda ŋuɛɛnu. Mò kɔ kanalan nda, yɔŋii nda bɛɛ a hun o sangaa ho nin nanu.›

Tɔŋ lasálàá 15:18

Te vanalanɔɔ nda vanapɔnɔɔ tosa pɛ kpelemɔɔsaa, a bɛnda mà pulun nda ŋiɔn kpow, mà lo a nɔɔlɛiya háá icɔllo.›»

Tɔŋ miingua 27:10

Lelan, la bii diom ndɔɔ mì la kela o tɔŋnda ndɔlan a o silala ndɔla ya co niaa hau yɔngoo lan coo.»