Efɛsea 4:14 - BII BILA

¹⁴ O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Efɛsea 4:14 Referans Kwoze

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Nsaki 1:6

Kɛ o ɲuna ndu a laalanndo, o va a kiisan te, kani vana kiisan pɛ, ndu co macoaa maa tindile mɛmma ihɛlten, le hoeiye co hiiloo a biiŋoo len.

Efɛsea 6:11

La cua ɲɛm cɔvun Hala-on kpow, haliko mi la tiwba kɔlkalu vɔɔn masa ɲinaa vɔɔnda simullo.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

Matie 24:11

Vanaa-tɛɛngaa-diom Hala-a lacòòvaa cannin taw, mà luei vanaa bɔɔ-bɔɔ o pɔwlan nin.

1Nsaŋ 2:26

Hee yáà yeema le niaa sɛvallo ni, sɔɛi vanaa yeema le niaa lueiyo o pɔwlan nin-nda.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

Esai 28:9

Nduyɛ a co dimio aa: «Nɛ̀ɛ́-nɛ̀ o yeema yɛ le kɔlkaloo pɛɛkoo? Nɛ̀ɛ́ o yeema yɛ le silalan yɔngoo? Mò va maa cɛlɛkpɛa nda hiwnun sɛnɛi labɛngu-a baa? Mò va maa cɛlɛkpɛa langa mal mɛɛlen-nda ni?

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Matie 11:7

Tuma kaandeŋaa Nsaŋ-nda va kɔnndan-ndo, mí Yeesu mulin sɔɛi o vannda lo a Nsaŋ o kɔɔ aa: «Yɛɛ niáà kɔɛ yɛ tofaa o lɛŋnde vesɛilen nin? Vɛ̀ɛ̀ kpɛ̀ndɛ̀le hoeiye va hiiloo len niáà kɔɛ tofaa ni?

1Korɛntea 12:2

Tuma niáà síná vɔ Hala loo, a va niaa nanɔɔ má va kɔlan a niaa le piɔmaa suu le-a sooloo.

Dɛnnda kiilaa 23:21

Kɛ hali mà laalan nda le. Kani vanaa pum co nda tɛɛn, a hiow n'van belehiɔɔlu. A cii mɛnan maa a dinin te, a kolnin vɛlɛ le fɔ mà dii ndu. A cii toosian, muli nɔmndo kínɛí nda co nihau cumndo nuaa ni.»

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Condii lisai 59:3

Baŋa ya vanaa yɔŋ vɔɔnda o ba, ma ciindiaa ya vanaa diuvaa n'vannda o ba.

Condii lisai 10:9

Mò lo cumullo mɛɛ yàlàá cumul visia o bɛ̀mɛ́ltan sondoo nuaa yɛ. Mò vennun le vana bala fondoo delɔɔ coo. O voolu pɛ ndu, o luei ndu o yala ndɔɔ nin.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

Nsaki 3:4

La tofa vɔ vɛlɛ dɛ̀ndɛ̀lan, la co bɛɛ labɛndu-bɛndu nuaa, mì hoeyii fùkù-fùkùei va lan ɲindɔɔ, ɲɛ-pɔmbɔɔ pum nuaa kínɛí ɲindu lan mɛɛ vana tɛɛngaa dɛ̀ndɔ̀ɔ́ pila yeema yɛ ni.

1Timote 3:6

O va vana laalan sɛnɛi-yo le, yɔŋii yongaa piɔ ndu nin, mò sɔla yaalaa maa mɛɛ ɲina vɔɔndo sɔla yaalaa yɛ.

2Timote 1:15

A sínà maa vanaa co Asii-a kpow a cii ya malɔɔ, hali Fikelus nda Hɛrmosɛne bɛɛ a mal-la.

1Korɛntea 3:19

Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»