Efɛsea 4:10 - BII BILA

¹⁰ Vana tol-lo, ndu koni hel vɛlɛ o halataalaa nin di-di ni, le dɛnndan kpow peeloo.

Efɛsea 4:10 Referans Kwoze

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

Kolɔsea 1:19

Kani mí ɲɔɔ hɛnan Hala le vaa o peelanndo o Po ndɔɔ nin,

Matie 24:34

I co niaa toɲaa dimul, lambio ho hiwnin te, mì dɛnnda lan kpede la peelun.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Efɛsea 3:19

O kon, o va bɛɛ maa kaola ndɔ kon hiow dɛnɛ sinaa kpow, kɛ mì la sínà ndu, haliko mi la va a piaa cá a bolofaa Hala-o.

Dɛnnda kiilaa 1:9

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

Hebreea 8:1

O sɔɔn naa n co dimio-on kpow nin, i hiow va isɔvɛ-e co hee ni: n nɔ bolle vanaa-solia-lasálàá, o co icali o kpɛŋɛ lemasa Hala-o o ba kɛndɔɔ coo o halataala-o.

Dɛnnda kiilaa 3:18

Kɛ ɲɛ Hala ndóò dimi paandu a sondola vanaa-tɛɛngaa-diom Mɛlɛka-a kpow-vo peelun lende ni, maa mɛɛ mì Krista ndóò sanga.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Dɛnnda kiilaa 1:11

má dimul nda aa: «Niaa Kalilea ha, le yɛɛ nɛ niaa co yɛ tofaa o halataala? Yeesu faŋan hoo niaa ikɛi, mó hel o halataala-o hunnin vɛlɛ mɛɛ niaa ce ndu kɔlan o halataala nuaa yɛ.»

Nsaŋ 19:36

Ken yɔŋnun, haliko mi sɔɛi co o Sɛbɛ Hala-o nin-nde peelun aa: «Paa ndɔɔ pilɛ bɛɛ yomnin te.»

Nsaŋ 19:28

O kon kɔɔli, mɛɛ Yeesu sina maa o cii baala ndɔɔ kpow, mó dimi aa: «Kolɔɔ bii ya.» Haliko mi ɲɛ Sɛbɛ Hala-o dimi-o peelun.

Nsaŋ 19:24

«N sɛɛsian ndu le, n malnun siondei, le sinaa vana nɔnin ndu-o.» Ken tosan, haliko mi o dimin o Sɛbɛ Hala-o nin-ndo ndóò peelun aa: «A co volɔɔla nilan piɔvanndo nda pila tɛɛn, a co siondei malɔɔ le doma ni lebɛngoo.» Lende vanaa cɔwva tosa ni.

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

2Korɛntea 12:2

I sínà langbanɔ pilɛ o Krista nin, o co nin le vɔsilan tɔ́ a lahiɔɔlu, mó hel o halataalaa nin coo di. (I sínà le te o falon nin ndóò hel lende lekɛ́ndɛi ni, te kon te o vundulen nin, Hala ndu pilɛ kpé sínà ken ni.)