Efɛsea 3:8 - BII BILA

⁸ I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Efɛsea 3:8 Referans Kwoze

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

Kalatea 1:16

mó ca maa o co fisa mò cɔm ya Po ndɔɔ, haliko mi dimi sɔɛi ndɔɛi vanaa co N'Yuifi le-a tɛɛn, fɔ́ɔ́fɔ̀, i ɲuna vanaciee le,

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

2Timote 1:11

Lelan Hala vem ya ni, le vannda Yoongu Kɛndɔɔ dimullo, mì va kiilaa, mì va vɛlɛ vana pɛɛkaa.

Efɛsea 3:19

O kon, o va bɛɛ maa kaola ndɔ kon hiow dɛnɛ sinaa kpow, kɛ mì la sínà ndu, haliko mi la va a piaa cá a bolofaa Hala-o.

1Korɛntea 2:9

Kɛ maa mɛɛ o co o sɛvaa yɛ aa: «Ɲɛ hɔlte ci loo, ɲɛ nile tui loo, ɲɛ yiyan luei vana o kɔl too, ndu Hala bɛɛndiaa ni le vanaa kaola ndu-a.»

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Filipea 4:19

Hala nuu nɛŋinin kpekula niaalan kpede maa mɛɛ bɔɔbɔɔyɛi ndɔɛi a biilu ndɔɔ co o Yeesu Krista nin yɛ.

Kalatea 2:8

Kani Hala tosa mí Piɛr siŋnun kiilaa le Yuifia-o, ndu koni tosa vɛlɛ ni, mí siŋnun kiilaa le vanaa co N'Yuifi le-a.

Condii lisai 31:19

Màá vanaa lacòòvaa siŋnun boboa mì cɔcɔn kindan nda! Vanaa kan pɛɛn, á co sɔɛi a yongaa a á vannda pɛɛsaa-a, à co vana lo o lediom coo a nɔm-ndo yeowlan-nda.

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Efɛsea 3:2

Nduyɛ, i nɔ o kɔl maa la tuei nin sɔɛi vali Mɛlɛka yɔngu ya kon le tosaa o kɛndɛi ndɔɛi bɛngu le niaa-o,

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

1Dɛnnda lemasalan 17:16

O kon mí masaa David kɔa, mó kɔ cal Mɛlɛka o hɔl, mó dimi aa: «Mɛlɛka Hala nuu, nɛ̀ɛ̀ ya co yɛ? Vanaa súú yɛɛ yungu nuu co yɛ vɛlɛ, le ya heeloo háá o fonda ya co hoo-o?

Efɛsea 3:1

Lelan, ya pol, ya co hoo o kaasoo le vali Yeesu Krista ya co tosaa le niaa vanaa-mangalaa-isɔɔa-o, i co Hala piɛiyo le niaa.

Luke 14:22

Telen pum hiovɔɔ, mí buɛiyo hun dimul ndu aa: ‹Vana bɛndoo, sɔɔn cuu toosiaa mɛɛ n dimi yɛ, kɛ fondaa lo vɔ vɛlɛ.›