Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!
Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.
Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!
N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.
Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.
haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.
Ndu co tosaa ni mì falun yɛ́-yɛ́-on n va yiyaa nɛɛ pilɛ ɲɛkɛndɛi, mì diallon kpow n va ɲɛ pilɔɔ a boondun ndɔn kpow. Lelan, te ifalu oo ifalu i tosa pɛ baalaa mɛɛ o bɛnda yɛ, diallon kpow n hindunin mì n hiow laci o kaolaa nin.
Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.
Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.