Efɛsea 3:5 - BII BILA

⁵ Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

Efɛsea 3:5 Referans Kwoze

Yude 1:17

Kɛ niaa caaŋaa nia hɛnan ya-a, la loonun a sɔɔn kiilaa Yeesu Krista-a dimi-on.

2Piɛr 3:2

La loonun-ndɔ sɔɔn vanaa-tɛɛngaa-diom Hala-a diandaa dimi sindɛ-on a tɔŋ kiilaa niaa, tɔŋ Mɛlɛka-o a tɔŋ Vana Ciindiaa.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

Dɛnnda kiilaa 10:28

Mó dimul nda aa: «La sinà maa Yuifinɔɔ bɛnda mò sɔɔnguu vana co Yuifinɔ loo ikɛi, te kon te mò luɛi o ndu lo le. Kɛ, Hala cɔm ya maa i bɛnda mì ce vana-vana o nɔɔlɛi, te kon te o dindu ndu Mɛlɛka o hɔl too le.

Luke 10:24

Kani mì dimul niaa, vanaa-tɛɛngaa-diom Hala-a bɔɔ-bɔɔ a masaa bɔɔ-bɔɔ ndáà yeema mì ndáà ce dɛnndan ndan, kɛ a ci lan te. Ndáà yeema mì ndáà tuei ɲɛ niaa co hoo tueyɔɔ-o, kɛ a tui ndu le.»

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Matie 13:17

I co niaa toɲaa dimul, vanaa-tɛɛngaa-diom Hala-a a vanaa sandaa bɔɔ-bɔɔ ndáà yeema mì ndáà ce ɲɛ niaa co cɔu-vo, kɛ a cí le, mì ndáà tuei ɲɛ niaa co tueyɔɔ-o, kɛ a tuí le.»

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Nsaŋ 16:13

Telen Kɔl toɲaa hunnin-ndo, o cɔmnin niaa dɛnndan kpow o toɲaa nin, kani sɔɔn o diminin-ndon fulanin o ndu pila nin te, kɛ o dimulnin niaa sɔɔn o tuɛinin-ndon kpede, mò dimul niaa dɛnnda hun tosannin-ndan.

Matie 23:34

Lelan i co niaa vanaa-tɛɛngaa-diom Hala-a, vanaa kɔlkalua a vanaa pɛɛkaa latɔŋnda vim. La diwnin a pum, mì la baŋ a pilla o yɔmii singafilɛi coo, mì la koŋ a tɔ̀a o cɛila lekaannda niaalan nin, mì la tol nda yɛlen o kobi oo kobi nin,

Luke 11:49

Lelan Hala dimi o kɔlkalu ndɔɔ nin ni aa: ‹I vimnin nda vanaa-tɛɛngaa-diom Hala-a nia a kiilaa nia. À diwnin a pum, mà tol a tiŋ yɛlen.›

Esai 52:15

Lende koni o dindinin vanaa-mangalaa-isɔɔa taw o nda vesullo ni. Masaa nɔnin mɛɛ dimia ndu o hɔl te, kani a canin ɲɛ ndóò dimul nda loo, a biinin ɲɛ ndáà tui-yɔ loo bila.

1Korɛntea 2:10

Kɛ naa naa, mí Hala cɔm naa kon a Kɔl-Diandaa, kani Kɔl-Diandaa kon yaasiaa isɔɔ oo isɔɔ ɲɛkɛndɛi ni, hali tuula Hala toosiaa mó vian kpíŋ-ndan.

Matie 20:7

Má mulul ndu aa: ‹Vana-vana cue naa le baala le.› Mó dimul nda aa: ‹Mɛɛ niaa bɛɛ la kɔ o nakɔ nuu nin.›