Efɛsea 3:17 - BII BILA

¹⁷ haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Efɛsea 3:17 Referans Kwoze

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

1Nsaŋ 4:16

Naa yɛ, n sínà kaola Hala nɔ le naa-o, n laalan. Kaolaa Hala co ni, vana co pɛ o kaolaa nin, mɛɛ ndu co o Hala nin, mì Hala va o kɔl ndɔɔ nin.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Nsaŋ 14:17

ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

Luke 6:48

O co macoaa maa langbanɔ co cɛiyo tangullo-o. Ndóò tovɔɔ soondo ɲɛkɛndɛi, mó kila ndu o pow bandíláà coo. Mí mɛnndan ma hun, mí kongilan la lɔaa cɛi kalaa, ma nɔla ndu kombaa le, kani ndóò caa tangulɔnndo.

Matie 13:6

Kɛ mɛɛ paalen le fula, mí n ɲɔfɔliaa, mí n vesa, kani puundun ve le.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Nsaŋ 6:56

Vana de pɛ dialun nun mò kol kooma nian, ndu co ya nin, mì ya i va ndu nin.

1Korɛntea 8:1

Le visin nda co piɔmnda sálàlan solullo-on yɛ, muli ndɔɔ co hoo ni. I co toɲa maa «Naa kpow n sínà dɛnɛ» maa mɛɛ niaa co dimio yɛ. Kɛ nduyɛ, kuundianndo dɛnɛ sinaa yɔngu vana ni. Kaolaa yɛ, diom pilɔɔ o luei vannda tɛɛn ni.

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

2Korɛntea 13:5

Niaa pila yaasiaa vɔ kɔlta niaalan ɲɛkɛndɛi, le sinaa te la nɔ pɛ laalanndo. Niaa pila solin kɔlɔ. Vɛ̀ɛ̀ la co sínà le maa Yeesu Krista co niaa nin? Te la cee kɔlɔ solin te, fɔ le kon.