Efɛsea 3:16 - BII BILA

¹⁶ I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

Efɛsea 3:16 Referans Kwoze

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Sakari 10:12

I lueinin Israɛlla yoomuma fula ya Mɛlɛka o ba-an, a vanin kelaa o diola ya Mɛlɛka lan bɛngu. Ya Mɛlɛka dimi lende ni.»

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

2Korɛntea 4:16

Lelan, n vunnun n'dial te. Dialun naan ivanacieeyan n va bɛɛ tambei o pɔm-pɔmbɔ, kɔl naa ndu bɛnda mò va muungoo o sɛnɛi lepalaa-lepala.

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

2Korɛntea 12:9

Kɛ mó dimul-la aa: «Kɛndɛi nii tiw nɔm. Kani o yoomuma lepɛŋndan nin kpaaya nuu cɔmnùn ni.» Lelan, o co fisa mì kuundian o yoomuma nima lepɛŋndan nin, haliko mi kpaaya Krista-o va ya coo.

Filipea 4:19

Hala nuu nɛŋinin kpekula niaalan kpede maa mɛɛ bɔɔbɔɔyɛi ndɔɛi a biilu ndɔɔ co o Yeesu Krista nin yɛ.

Condii lisai 28:8

Mɛlɛka co yoomuma vanaa ndɔa ni, ndu co Pow kpovaa le vana o pɔla-o ni.

Rɔmnda 7:22

Kani o kɔl nuu nin, tɔŋ Hala-o hɛnan ya bɔɔ,

1Korɛntea 16:13

La pɔɛɛnun te, la sim yili o laalanndo nin, la luei yoomuan a kpaayaa.

Condii lisai 138:3

Tuma ya ɲuna nɔm-ndo, má mulul-la, má luei ya yoomuan, má ke ya kpaayaa.

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Hebreea 11:34

Má ɲumi kpaaya leyinndo, má hialun mɔɛi cɔwve, má deli a nààlan, má siangu. Telen lacɔwvo, má yɔŋnun vanaa dialun kalaa, má toaw vanaa cɔvaa va nda hinullo-a.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

1Piɛr 3:4

kɛ la naŋ naŋɔɔ kɔllo, la nɔ kɔlɲuloo a kɔlkɛndɔɔ, cuɛinɔn kɔl tembu loo co kon ni, o Hala ce ɲɛ sɔvɛ bɛndoo-o.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Rɔmnda 2:29

Kɛ Yuifinɔ kpeekpeiyo, ndu co vana co dɛnndan tosaa a kɔl ndɔɔ-o ni. Tooma kɔllo co tooma kpeekpeiyo ni, o fula Kɔl Hala-o o ba-o, o co ɲɛ co o sɛvaa-o le. O co n'vanndaciee o ba le candɔɔla vana kon la fula le, kɛ Hala o ba.

SƐBƐ YƆB-O 23:6

Bàà mɛɛ mò soli yoomuan kpede le ya cɔlɔbaa? Ɛ-ɛ, yaŋnɔnndo ndòó yaŋnunnin ya ni.

Efɛsea 3:15

o yungulan o halataala, a laan o ceendo coo kpow sɔlà diolan o ba-o.

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.