Efɛsea 3:10 - BII BILA

¹⁰ Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Efɛsea 3:10 Referans Kwoze

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Efɛsea 6:12

Kani o co n'vanndaciee le naa co cɔlɔba le, kɛ kpaayala maɲumndan, vanaa mayoomua, masɛi a ɲinaa vɔɔŋaa co o halataala-a.

1Korɛntea 2:7

Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Efɛsea 1:21

Mó kɛsi ndu bollen masɛi kpow coo, kpaayalan kpow, vanaa mayoomua kpow a simlacia kpow coo, a le diola kɛ́-kɛ̀ co piɔlnɔnndo, o co ko le telenndo ho daama le, kɛ le telen co hunɔɔ-o bɛɛ.

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

1Korɛntea 1:24

Kɛ le Yuifia a le vanaa co N'Yuifi le-a, Krista co kpaaya Hala-o a kɔlkalu ndu Hala-o ni.

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

Kolɔsea 1:16

kani o ndu nin ɲɔɔn kpow n cɔwnun ni, mun o halataala a mun o lɛŋnden coo, ɲaa yoomaa vana ca-a ɲaa vana ci le-a, masɛi a vanaa lebolla, kpaayala maɲumndan a simlacia. Ndu o ba ɲɛm mun kpow n cɔwnun ni, le ndu n co ni.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Efɛsea 1:8

kɛndɛi bɛndui o tosal naa taw, mó sɛŋi naa kɔlkalu ndɔɔ a dɛnɛ sinaa ndɔɔ coo-e pɛɛn.

Rɔmnda 8:38

Kani i laalan maa o va piɔ́mndo, o va yoomoo, o va mɛlɛkaa, o va kundala co o masalen nin coocoo lan, o va dɛnndan ndan sunsun, o va la co hunɔɔ lan, o va kpaayalan,

Condii lisai 104:24

Éé Mɛlɛka! Baalala nɔmndan la co la bɔɔ! A kɔlkalu nɔmndo n tosa lan kpow ni. Lɛŋnden le co lepiaa ca a ɲɛm n cɔw-von.

Esekiɛl 3:12

O kon mí kɔl Mɛlɛka-o cua ya coocoo, mí tuɛinun vɔkɔ-vɔkɔ bɛndoo ya kɔɔli aa: «Duaa co le biilu Mɛlɛka-o o fonda calta ndɔlan la co-o nin!»

Condii lisai 103:20

Niaa mɛlɛkaa ndɔa, la mel Mɛlɛka balika. Niaa o soaa dɔ́ɔ́, mì la tosa hɛnan ndɔɔ a yoomuma niaan kpow-va pɛɛn.

Efɛsea 1:23

a co dialun ndɔn-nda. O vanaa laalaŋaa kan nin Krista co ni, o co kon dɛnndan kpow peeloo nɛɛ-nɛɛ ka o ceendo coo-o.

Kolɔsea 2:10

Nduyɛ o ndu nin dɛnndan kpow la co peelɔnndo ni, ndu co masalen tosaa kpaayalan a masɛi kpow coo-o.

Kolɔsea 2:15

Mó yunga kpaayalan a masɛi, mó soli nda vannda o hɔl kpendekele le nɔla o nɔla nda o yɔm singafilaa coo-o cɔmndo.