Efɛsea 3:1 - BII BILA

¹ Lelan, ya pol, ya co hoo o kaasoo le vali Yeesu Krista ya co tosaa le niaa vanaa-mangalaa-isɔɔa-o, i co Hala piɛiyo le niaa.

Efɛsea 3:1 Referans Kwoze

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

Efɛsea 6:20

I co bɛɛ o kaasoo nuaa, kɛ ya co hɔlte Krista len le Yoongu kɛndɔɔ yondaa ni. Lelan, la piɛi haliko mi soo a kɔlkɛsiaa.

Filemɔn 1:9

o co fisa mì dimul nɔm le kaola co naa tɛɛn vellaa-velle-o. Kani ya Pol, i yuuva, handɔɔ o kon coo, i co sunsun o kaasoo le Yeesu Krista,

Filipea 1:7

O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.

Filemɔn 1:1

Ya Pol, ya co hoo o kaasoo le Krista-o, a Timote puapilɛ naa, n co sɛbɔɔ ho sɛva ni. Le nɔm Filemɔn caan naa hɛnan naa taw-vo, ò naa n co baala pilɔɔ tosaa naa ndaa-o,

Dɛnnda kiilaa 23:18

Mó liila ndu, mó yaa ndu o simlacinɔ simlacia vanaa cɔvaa kɛmɛa lo, mó dimi aa: «Pol co o kaasoo-o veelu ya ni, mó dimul-la aa ya hun a langbanɔɔ ho o nɔm ndo, aa o nɔ sɔɛi pum le nɔm tiiyallo.»

Luke 21:12

«Kɛ lɔ́ɔ́ pá mì kon kpede hun tosan, a biinin niaa, mà tol niaa yɛlen, mà kɔɛ a niaa o cɛila lekaanndan nin. A malnin niaa o kaasolan, mà kɔɛ a niaa o masaa lo a o masaa n'bungaa lo le diola nilan.

Filemɔn 1:23

Epafras, o nda mal o kaasoo naa ndu le Krista-o yil nɔm,

Dɛnnda kiilaa 26:29

Mí Pol muli aa: «O va le telen bingi, o va vɛlɛ le telen vilɛi, i co Hala piɛi, haliko mi nɔm a vanaa co ya diom tueyɔɔ hau-va kpow siŋnun maa ya, o co mɛɛ ya co o yɔlɔn nuaa yɛ le dɛ!»

2Timote 1:16

Màá Mɛlɛka tuinun yungu Onesifɔr-o iɲíí, kani o co ya ɲɔɔloo cuɛi-cuɛi, siɛmbula co ndu vɛlɛ biyɔɔ le co ya co o yɔlɔn-ndo le.

Kolɔsea 4:18

Ya Pol, i yil niaa: a ba ya sɛval niaa sɛvaa ho ni. La loonun maa i co o kaasoo. Màá kɛndɛi Hala-e i va niaa coo!

Kolɔsea 4:3

Mì la piɛi vɛlɛ le naa: mì Hala kumbil naa dioo le sɔɛi, haliko mi n tiwba dɛnɛ viannan Krista-o yondaa. Le dɛnɛ viannan ndɔ kon ya co o yɔlɔn nuaa ni,

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

Dɛnnda kiilaa 21:33

O kon mí simlaci-vanaa cɔwva kan sɔɔnguu Pol ikɛi, mó simi ndu, mó dimul vannda le ndu yiiyo o yɔlɔn kundalan tan tiɔn. O kon kɔɔli, mó ɲuna le sinaa vana súú Pol va-o a ɲɛ o va tosaa-o.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Efɛsea 3:13

Lelan, i co niaa tɛɛlɔn, la vu n'dial le sanga ya co sɔlaa le niaa-o le, biilu niaa co kon ni.

Kalatea 5:11

Ya le ya puapilɛa nia, te ndóò va pɛ maa sɔɛi toomaa diyɔɔ ya co keiyo vannda yondallo ni, mɛɛ le yɛɛ nda co yɛ niko hiovɔɔ laci a ya yɛlen tollo? Te lende ni, mɛɛ piɔ́m Yeesu sɔla o yɔm singafilaa coo-o co lɛ pow boŋaa le vana-vana le.

Kalatea 5:2

Ya Pol, i co niaa dimul: te la cɛl pɛ le toomaa diyɔɔ, mɛɛ Krista nɛŋinin niaa mako kɛ́-kɛ̀ le.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

2Korɛntea 1:6

Te n co pɛ sangaa sɔlaa, le mɛɛ niaa sɔla ɲɔɔloo a cindaa yɛ ni. Te n co pɛ ɲɔɔloo sɔlaa, le mɛɛ niaa sɔla ɲɔɔloo, mì la biwnun o sangala pilɛla naa n co sɔlaa lan nin yɛ ni.

Kalatea 5:24

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Efɛsea 3:11

Ɲɛ ndu Hala tuu kabi o kandɔnndo le tosaa-o, mó peelu ndu o Maalii naa Yeesu Krista nin.