Efɛsea 2:8 - BII BILA

⁸ Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Efɛsea 2:8 Referans Kwoze

Efɛsea 2:5

mó mingi naa yoomu naa Krista-a, naa n va nin a vílɛ́iya le tɛɛmbuula naalan-nda. Le kɛndɛi Hala-e niaa sɔla cindaa ni.

Rɔmnda 4:16

Lelan, le laalanndo naa n sɔla ɲɛm Hala yii kpemaa le naa keo-von ni, vɛ̀ɛ̀ kɛndɛi le co ken te! O kon, kpema kon co le vanaa-vanaa co cuavaa-imamaa Abraham-nda: a co o tɔŋndo bɛngu-a a á laalan vɛlɛ maa ndu Abraham fuɲa naa faw-faw-vo-a.

Rɔmnda 10:17

Lelan, o tueyɔɔ nin laalanndo fula ni, ɲɛ vana tuɛi yɛ kon-ndo, o sɔɛi Krista-e nin o fula ni.

Dɛnnda kiilaa 16:31

Má mulul ndu aa: «Laalan Maalii Yeesu, mà sɔla cindaa niaa yungu nɔmndo.»

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Luke 7:50

Kɛ mí Yeesu dimul cuaa aa: «Laalan nɔmndo cii nɔm ciindiaa, kɔnnun a kɔlɲuloo.»

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Rɔmnda 4:5

Kɛ te vanndo tosa ɲɛ le, mò laalan Hala maa o kialu vana lahakio iyama, laalan vana kon cɔmnun maa dɛnɛ sandaa.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Kalatea 3:22

Kɛ mí Sɛbɛ Hala-o cɔm naa maa o kpaaya hakio bɛngu ceendo kpede co ni. Ken yɔŋ ni, mí kpema Hala yii kon-ndo peelun le vanaa laalannda, le laalan nda laalan Yeesu Krista-o.

Kalatea 3:14

Ken i tosan haliko mi vanaa co N'Yuifi le-a, kɛ má laalan Yeesu Krista-a sɔla duaa Abraham-ndo, o kon mí n sɔla Kɔl Hala dimi le vanaa ndɔa keo-vo.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Nsaŋ 6:35

Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.

Efɛsea 1:19

mì la sínà vɛlɛ mɛɛ kpaaya bɛndu o nɔ le naa-o co yɛ. Kpaaya kon yɛ, ndu kpeekpei Hala cɔm a yoomuma bɛnduan ni.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Nsaŋ 6:65

Mó dimi vɛlɛ aa: «Lelan ya dimul niaa ni maa vana-vana nɔla hunɔɔ o ya lo le, te o co Pua le ke ndu le.»

Kolɔsea 2:12

Nduyɛ, telen niaa sɔla yinɔɔ-o, mí la sɔla kumbɔɔ o sɛiyo nin a ndu latulu, mí la tendul vɛlɛ a ndu latulu, le tùú niaa laalan kpaaya Hala mingi ndu yoomu fulaa vanvílɛ́iya tɛɛn-ndo.

Nsaŋ 6:44

Vana-vana nɔla hunɔɔ o ya lo le, fɔ mì Pua sim vana kon laci, i tindinin ndu fulaa vanvílɛ́iya tɛɛn o paale mɛɛlaa len.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

Rɔmnda 10:14

Kɛ vɛ̀ɛ̀ nda veelu yɛnin vana nda laalan too? Vɛ̀ɛ̀ nda laalan yɛnin vana nda tui tɔ́ɔ́ loo? Nduyɛ vɛ̀ɛ̀ nda tuɛi yɛnin ndu tɔ́ɔ́, te o co mì vana yondal nda sɔɛi ndɔɛi le?

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

2Tesalonikea 1:9

A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil

Dɛnnda kiilaa 15:11

Kɛ ɲɛ naa n bɛnda mì n laalanndo co hoo ni: o kɛndɛi Maalii Yeesu-e bɛngu naa n sɔla cindaa ni, nduyɛ lende koni nda bɛɛ sɔla ndu ni.»

Rɔmnda 9:16

Lelan, o co hɛnan vana pila le, o co vɛlɛ le kindin vana pila le, kɛ le mɛɛ Hala nɔ ɲííye yɛ.

Hebreea 6:4

N tofan ndɔ sɔɛi vanaa muungu mà del o ceen nda paandoo nin-nda. A sɔla ɲɛ-tengaa Hala-o, má sɔla ke Hala-o, má sɔla Hala Kɔl-Diandaa,

Matie 20:9

Mí vanaa kɔɛ a lɛɛlɛ ŋuɛɛnundɔɔ-a sɔla vana-vana volii támái i pilɛ.