Efɛsea 2:6 - BII BILA

⁶ Mí Hala mingi naa yoomu a Yeesu Krista latulu, mó kɛsi naa o fondalan o halataala naa ndaa.

Efɛsea 2:6 Referans Kwoze

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Nsaŋ 14:3

Lelan, te i kɔɛ pɛ mì kɔ bɛɛndial niaa fondaa, i muungunin, mì hun kɔ a niaa, haliko mi niaa bɛɛ la kɔ va nɛɛ ya co-a.

Matie 26:29

I co niaa dimul, i kol-lɛnin mɔima n'rɛsɛnndan man te, háá fɔ nin o masale Fuɲa nuu nin, mì hun kol ma sɛnɛiyan naa niaa.»

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Kolɔsea 1:18

Ndu co diallon bollen ni, kunda vanaa laalannda pɛɛn. O ndu nin yoomu sɛnɛiyo kandun ni, ndu co Po tasoo ni, vana tase muungu yoomu fulaa vanvílɛ́iya tɛɛn-ndo, haliko mo yɔŋnun vana tasoo o nɛilan kpow coo.

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Efɛsea 2:13

Kɛ sunsun, o Yeesu Krista nin, niaa vanaa va Mɛlɛka levil o tasendɔ-a, la sɔla sɔɔnguuo ndu o ibuŋ le piɔ́m ndu Krista sɔla-o.