Efɛsea 2:5 - BII BILA

⁵ mó mingi naa yoomu naa Krista-a, naa n va nin a vílɛ́iya le tɛɛmbuula naalan-nda. Le kɛndɛi Hala-e niaa sɔla cindaa ni.

Efɛsea 2:5 Referans Kwoze

Rɔmnda 3:24

Kɛ mí Hala tosal nda kɛndɛi, má sɔla baŋanndo o Yeesu Krista nin, o co a vɔngu le.

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Rɔmnda 5:10

Kani, telen naa n va yaamɔaa Hala-va-o, mí ndu pila mingi bɛndaa naa ndaa tɛɛn a piɔ́m Po ndɔɔ sɔla-o. Kodinte mɛɛ bɛndaa co nin naa tɛɛn naa ndaa nuaa yɛ, o ciindiaanin naa a yoomu Po ndɔɔ.

Rɔmnda 5:8

Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.

Dɛnnda kiilaa 15:11

Kɛ ɲɛ naa n bɛnda mì n laalanndo co hoo ni: o kɛndɛi Maalii Yeesu-e bɛngu naa n sɔla cindaa ni, nduyɛ lende koni nda bɛɛ sɔla ndu ni.»

Efɛsea 2:1

La va paandu a vílɛ́iya o kɔllo nin le tɛɛmbuula niaalan a le hakila niaalan.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Tite 2:11

Kani Hala cɔm kɛndɛi ndɔɛi, i yɔngú vannda kpow cindaa-e.

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Rɔmnda 4:16

Lelan, le laalanndo naa n sɔla ɲɛm Hala yii kpemaa le naa keo-von ni, vɛ̀ɛ̀ kɛndɛi le co ken te! O kon, kpema kon co le vanaa-vanaa co cuavaa-imamaa Abraham-nda: a co o tɔŋndo bɛngu-a a á laalan vɛlɛ maa ndu Abraham fuɲa naa faw-faw-vo-a.

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

Rɔmnda 5:6

Tuma naa n nɔ vɔ mayoomu loo, mí Krista vu le naa vanaa lahakia o telen kelun-ndo.

Rɔmnda 16:20

O lo cobe mì Hala ke vana kɔlɲuloo-o pusu Setana niaa o labɛngunin. Màá kɛndɛi Maalii naa Yeesu-e va niaa coo.

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

Dɛnnda cɔɔmuanndan 22:21

Màá Kɛndɛi Maalii Yeesu-e va niaa kpow coo!

Luke 15:24

kani po nuu ndóò vi, kɛ o muungu yoomu, ndóò lo, kɛ o cennun.› O kon, má kandu bɛɛ ɲaaloo fɔ́ɔ́fɔ̀,

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.