Efɛsea 2:4 - BII BILA

⁴ Kɛ nduyɛ, vana iɲíí bɛndoo Mɛlɛka co ni. Le tùú o kaola naa taw-vo,

Efɛsea 2:4 Referans Kwoze

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Condii lisai 86:15

Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.

Rɔmnda 5:8

Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Condii lisai 145:8

Mɛlɛka nɔ kɛndɛi, o nɔ vɛlɛ ɲííye, o yala kɔl fula le, o nɔ kaolaa taw.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.

Yeremi 31:3

Levil polon Mɛlɛka cɔmnun ya ni, mì dimul ndu aa: ‹I kaola nɔm le lɔ́ɔ́-lɔ́ɔ̀, lelan ya co nɔm canyɛi nii cɔm ni.›

Condii lisai 86:5

Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Nehemi 9:17

Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

Luke 1:78

A toɲa, Hala naa nɔ bɔɔ dɛnɛ kɛndɔɔ, o solinin ɲɛ-tengaa fulaa coocoo, mò dindi naa maa ɲɛ-tengaa paale siaa,

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

Condii lisai 51:1

Condii David-e, í fula o condun simlacinɔ vanaa n'condua nin-nde.

Fulaa 33:19

Mí Mɛlɛka mulul ndu aa: «I co nɔm naŋɔɔ nuu kei o hɔl, mì veelu diola nilan nɔm o hɔl, diola lan la co ni aa ‹Mɛlɛka›. Kani vana ya yeema pɛ le kɛndɛi tosallo, i tosal ndu kɛndɛi. Vana ya yeema pɛ le ɲííye tuinɔnndo, i tuinun ndu iɲíí.»

Esai 63:7

I yiyalannin (vannda) kɛndɛi Mɛlɛka-e a sangala ndu Mɛlɛka bɛnda mò sɔla-o, mɛɛ kɛndɛi o tosal naa-e kpow co yɛ. I diminin vanakɛndɛyɛi ndɔɛi le cuavaa Israɛlla, dɛnɛ kɛndɛ o tosal nda, mɛɛ ɲíí ndɔɛi a dɛnnda ndɔla ikɛndɛla sɛ́lɛ́lan la co yɛ-o.