Efɛsea 2:2 - BII BILA

² O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

Efɛsea 2:2 Referans Kwoze

Efɛsea 6:12

Kani o co n'vanndaciee le naa co cɔlɔba le, kɛ kpaayala maɲumndan, vanaa mayoomua, masɛi a ɲinaa vɔɔŋaa co o halataala-a.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

Nsaŋ 12:31

Sunsun, yamɛi ceendo hin kiolɔn, mà soli vana co masalen tosaa o ceendo ho coo-o o bɛ́ɛ̀.

Efɛsea 5:6

La cɛl mì vana-vana hui niaa a sɔɔn fondon te, kani le tɛɛmbuula vaa lende kɔltuw Hala-o toalnin vanaa co ndu simullo-a coo ni.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

1Nsaŋ 5:4

kani vana-vana co pɛ cua Hala-o, nɔlaa o nɔla ceendo ni. Ɲɛ tosa yɛ mì n nɔla ceendo-o, ndu co laalan naa ni.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

1Piɛr 1:14

La del yeeman niáà nɔ paandu o sina lepɛŋ niaa nin-ndon kɔɔli le, n niáà nɔ telen niaa va vɔ n'cuaambɔ-on pɛɛn.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Kolɔsea 1:21

Niaa bɛɛ, la va paandu Hala levil, yaamɔaa ndɔa niaa va le dɛnnda vɔɔnnda niaa va tuuvo mí la va tosaa lan ni.

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

1Korɛntea 5:10

Kɛ kon co dimi le maa la kiolun vanaa vaa lende kɔɔli o ceendo ho coo le, te kon te vanaa nɔ yeemɛi ɲɛ-sɔlaa taw-va, te kon te vanaa del vannda coo-a, te kon te vɛlɛ vanaa sooluu piɔmnda-a. Kani te lende ni, mɛɛ faŋanndo niaa faŋannin o ceendo ho coo ni.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Nsaŋ 15:19

Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni.

Nsaŋ 14:30

I suu lɛnin sɔɔn bɔɔ o niaa lo le, kani vana co masalen tosaa o ceendo ho coo-o co hunɔɔ. O nɔ kpaaya ya coo le.

Esai 30:1

Mɛlɛka dimi aa: «Dɛnɛ palaa co le cuavaa nila kalua! A co sɔɔn kiolɔɔ o kɔlta ndalan nin, a co ya ɲuna le, a co kpemalan yiiyo, o co o hɛnan ni nin te, kon kpow le hakilan cɔɔloo diŋaa o hakilan coo!

SƐBƐ YƆB-O 1:7

Mí Mɛlɛka ɲuna Setana aa: «Kuɛɛ nɛ n co yɛ fulaa ho?» Mí Setana mulul Mɛlɛka aa: «Lɛŋnden ya va balɔɔ a kelaa lenin ni.»

2Piɛr 2:14

Hɔltan la pɛ nda a suundaa, a sanga a hakilan tosaa le, a co vanaa kɔlta ndalan la sim yili le-a laasiaa a kɔlkalu vɔɔndo, kɔlta ndalan la co lapiaa a yeemɛi ɲɛ-sɔlaa, dangaa co le nda.

Nsaŋ 16:11

A co o pɔwlan nin a yamɛi o kɔɔ, kani yamɛi vana co masalen tosaa o ceendo ho coo-o cuu kiolɔɔ.

Nsaŋ 13:27

Yuda biyɔɔ dɔ́ɔ́ bulu kon, mí Setana luɛi ndu nin. Mí Yeesu dimul ndu aa: «Tosa ɲɛ n nɔ le tosa-o cɔ́-cɔ́!»

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Nsaŋ 8:23

Mí Yeesu mulul nda aa: «Lɛŋ nanu niaa fula ni, ya yɛ, coocoo ya fula ni. O ceendo ho nin niaa fula ni, ya yɛ i fula o ceendo ho nin te.

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Matie 13:38

Ciɛi, ndi co ceendo ni. Malun kɛndɔn, mun co vanaa co masale halataala len cɛlɔɔ-a ni. Bil vɔɔndo yɛ, ndu co buɛyaa Vana vɔɔndo ni.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Nsaki 1:7

Vana vaa lende yiyan te maa o co ɲɛ sɔla Mɛlɛka o ba.

2Timote 4:10

kani Dimas kaola ceendo ho mó faŋan ya kɔɔli, o kɔɛ Tesalonike, Kresensa kɔɛ Kalasii, Tite kɔɛ Dalmatii.

Dɛnnda kiilaa 19:35

Kɛ nduyɛ, mí vana sɛvaa kobio nɔla sɛ́lɔ́ɔ́ kpaa, mó dimul nda aa: «Efɛsea sei, vannda kpow a sinà maa Efɛs co cɛi hala Artemis piɔm bɛndoo kandaa ni, maa ndu co vɛlɛ tɔɔmasele tuula ndɔ fula o halataala mó del-lo ni.

Luke 22:31

Mí Yeesu dimul Simɔn-Piɛr aa: «Simɔn, Simɔn, yaŋnun! Setana ɲuna Mɛlɛka mì ndu Setana hɛi niaa maa mɛɛ vana hɛi maalon nuaa yɛ.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Matie 11:19

Mí Po vanacieo hun, mó va dioo a kolɔɔ, mí vannda va dimio aa: ‹Hoo ndu vana lepuloo a vana kólaa mamɔiyo o co ni. Caaŋoo vanaa biyaa mulua a vanaa lahakia o co ni.› Kɛ o dɛnnda Kɔlkaloo co tosaa lan nin vannda sinà ni maa Kɔlkalu kalaa sandu.»

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Esai 57:4

Nɛ̀ɛ́-nɛ̀ niaa co yɛ mamɔɔ tɛɛndanndo? Nɛ̀ɛ́-nɛ̀ niaa co yɛ sondoo kumbillo panda-panda? Nɛ̀ɛ́-nɛ̀ niaa co yɛ diɛɛmulen solullo? Cuavaa lasiannda a vanaa palaa n'vannda niaa co ni.

Condii lisai 17:14

Mɛlɛka, baŋa ya vanaa vɔɔnda ha o ba a ba nɔm kpaaya, vanaa ceenda ha, à vɔ̀ngɔ̀ ndaa co o ceendo ho coo-a pɛɛn. Pimi nda a sanga n kɛsi le nda-o, mì poaa ndaa bɛɛ pim sanga kon, mà mel poaa ndaa imamaa sanga kon vɔ́yɔ́ɔ́.

SƐBƐ YƆB-O 31:7

Te lepilɛ bɛɛ i pɔw pɛ mí mal nɛiyo, te kɔl nuu del pɛ yeemɛi nii n'dialle kɔɔli, te i vow nin pɛ balan o dɛnɛ nɔɔlɛiyo nin,

Dɛnnda cɔɔmuanndan 16:17

Mí mɛlɛkanɔ ŋɔmmɛwndɔɔ cuiŋi ɲɛ va o taala kólaa ndɔɔ nin-ndo o hoeiye nin, mí diom bɛndoo pum soaa o fonda diandaa fulaa o kpeŋɛ lemasaa aa: «I cuu tosan!»

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Osee 10:9

Niaa Israɛlla, kabi o palɛi niaa va Kibea-e, la co hakilan tosaa tuŋ, la mangalan-ndɔ le. Vɛ̀ɛ̀ o co Kibea lon kpeekpei le cɔwvo toalnin vanaa yɔŋ vɔɔnda coo le?

SƐBƐ YƆB-O 1:19

mí hoeyii bɛndu-bɛnduei can a kpengii lɛŋnde veselɛilen, mí i lɔaa cɛiyo o kpengun hiɔɔlon, mó komba nda coo, má vu kpede. Ya pilɛ kpé hɛlun ni, mí sɔndan le nɔm hunɔɔ yoongoo ho dimullo.»

SƐBƐ YƆB-O 1:16

O va vɔ kona kon dɔwnɔnndo, mí kiilanɔ celen hun dimul vɛlɛ Yɔb aa: «Yinnde Hala len le fula coocoo mí le del saa nɔmnda a buɛyaa nɔmnda coo, má cuulu mungén! Ya pilɛ kpé hɛlun ni, mí sɔndan le nɔm hunɔɔ yoongoo ho dimullo.»

Matie 13:22

Kulun deli o yɔɔn nin-ndon, mun co tɔɔmasele vana tuei sɔɛi Hala-e, kɛ mí buulannda ceenndan a yeemɛi bolofaa hialu fondaa ndu o kɔl kpede-o ni. O kon sɔɛi Hala-i co ndu o kɔl-le kum te.

Marke 4:19

kɛ mì buulannda ceenndan, hɔlte bolofaa a yeemɛi bɛnduei ɲɛvi nda ndi o kɔl, i nɔla komɔɔ le-a ni.

Efɛsea 1:21

Mó kɛsi ndu bollen masɛi kpow coo, kpaayalan kpow, vanaa mayoomua kpow a simlacia kpow coo, a le diola kɛ́-kɛ̀ co piɔlnɔnndo, o co ko le telenndo ho daama le, kɛ le telen co hunɔɔ-o bɛɛ.

Efɛsea 2:11

La yiyan ndɔ mɛɛ niaa va paandu yɛ, la co N'Yuifi le. Yuifia a va niaa veeloo aa kɔndɛa, mí nda pila va veelɔnndo aa falennda le tooma n'falu nda dii-yo.

Efɛsea 2:13

Kɛ sunsun, o Yeesu Krista nin, niaa vanaa va Mɛlɛka levil o tasendɔ-a, la sɔla sɔɔnguuo ndu o ibuŋ le piɔ́m ndu Krista sɔla-o.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Tɔŋ lasálàá 11:16

soninkɔnɔɔ, huo, kòòndoa súúlan kpow,