Efɛsea 2:17 - BII BILA

¹⁷ O hin le niaa vanaa va Mɛlɛka levil-la a vanaa co ndu kpɛɛlun-nda Yoongu kɛndɛ kɔlɲuloo tiiyallo.

Efɛsea 2:17 Referans Kwoze

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Dɛnnda kiilaa 2:39

Kani ciɛi Hala cua-e co le niaa a le cuavaa niaa, i co vɛlɛ le vanaa co levil-la kpow a le vanaa-vanaa sɔlanin veeloo Hala naa o ba.»

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Condii lisai 148:14

O yɔngu vanaa ndɔa yoomuan, mo tosa mà cua bollen. Lelan vanaa lo o lediom coo o cuavaa Israɛlla tɛɛn-nda kpow a co ndu lisaa o condon nin ni, vanaa co ndu kan ikɛi-ya pɛɛn. La lisa Mɛlɛka!

Tɔŋ miingua 4:7

O vanaa-mangalaa-isɔɔa súúlan kpow tɛɛn, hali a co sɛ́lɛ́ bɛndoo-a, ɔ́ɔ̀ a halaa ndaa sɔɔnguu ikɛi kpɛɛlun nuaa mɛɛ Mɛlɛka Hala naa co naa ikɛi yɛ-a? Telen oo telen naa n piɛi ndu pɛ, o co naa ikɛi.

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Esai 52:7

Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Matie 10:13

Te vanaa co cɛinin lon-nda caa pɛ niaa biyɔɔ, a sɔla kɔlɲulu kon. Kɛ taa cee niaa biyɔɔ le, kɔlɲulu kon muungun niaa pila o ba.

Esai 27:5

Fɔ mì vannda kɛɛ dɔ́ɔ́ le ya sinaa maa nɛɛ ndaa viannan, mà kɛɛ dɔ́ɔ́ le kɔlɲuloo lueiyo naa ndaa tɛɛn dɛ! Mbɔ̀ fɔ mà kɛɛ dɔ́ɔ́ le kɔlɲuloo lueiyo naa ndaa tɛɛn.»

Condii lisai 85:10

A toɲa, cinda ndɔɔ co vanaa nɔ siòòŋii ndɔɛi-ya levil te, biilu ndɔɔ co o lɛŋnde naalen nin.

Condii lisai 75:1

Condii Asaf-e, í fula o condun simlacinɔ vanaa n'condua nin-nde. Sɔɛi lebolle o condei he nin i co ni aa: «Tɛɛmbuu le».

Rɔmnda 10:14

Kɛ vɛ̀ɛ̀ nda veelu yɛnin vana nda laalan too? Vɛ̀ɛ̀ nda laalan yɛnin vana nda tui tɔ́ɔ́ loo? Nduyɛ vɛ̀ɛ̀ nda tuɛi yɛnin ndu tɔ́ɔ́, te o co mì vana yondal nda sɔɛi ndɔɛi le?

Efɛsea 4:21

I laalan maa vannda dimul niaa sɔɔn Yeesu-on, mí la pɛɛku toɲa co o sɔɔn mun nin-ndo.

Luke 15:8

Mí Yeesu hiaw laci a sɔɛi, mó dimi aa: «Te kon te, te vanalanɔɔ pum nɔ pɛ volin latámán tɔ́, mì voliei ipilɛ i lo, vɛ̀ɛ̀ o co fitinaa le o mɛndul, mò bɛɛsuu cɛiyo, mò nuwviaa ɲɛkɛndɛi háá mò saalun volii ken te?