Efɛsea 2:14 - BII BILA

¹⁴ Kani Krista pila co kɔlɲuloo le naa ni, ndu tosa ni mó siinguu Yuifia a vanaa ve N'Yuifi le-a ɲɛ pilɔɔ. A dialun ndɔn, mó tɛɛmbuu kpaki va naa tɛɛn-ndo, yaamɔɔlen pɛɛn.

Efɛsea 2:14 Referans Kwoze

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Kolɔsea 3:15

Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

Efɛsea 2:15

Mó faŋa tɔŋndo a silala tɔŋndan, mó siinguu naa vanaa kundala tiɔnda haa yungu sɛnɛiyo ndu pilɛ kpé o ndu pila nin. Nuaa o mingi kɔlɲuloo toosiaa ni.

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.

Kolɔsea 2:20

Te o va pɛ maa la vi nin niaa Krista-aa latulu, mí la sɔla baŋaa kpaayala ceenndan o ba, mɛɛ le yɛɛ niaa co yɛ vɛlɛ kelaa o dɛnnda ceenndan nin, mì la va tɔŋnda vanaa ceenda cɛlɔɔ vana ca kaa o ceendo nin niaa co vɔ ni?

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Dɛnnda kiilaa 10:28

Mó dimul nda aa: «La sinà maa Yuifinɔɔ bɛnda mò sɔɔnguu vana co Yuifinɔ loo ikɛi, te kon te mò luɛi o ndu lo le. Kɛ, Hala cɔm ya maa i bɛnda mì ce vana-vana o nɔɔlɛi, te kon te o dindu ndu Mɛlɛka o hɔl too le.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

Misee 5:5

À tosanin masalen o lɛŋnde Asiri len coo a o lɛŋnde Nimrɔd len coo a mɔɛi cɔwve. Nuaa Masa kon o baŋanin naa Asirinɔɔ o ba ni, te Asirinɔ kon hiow pɛ pɛɛngulan, mò luɛi o lɛŋnde naalen nin.»

Hebreea 7:2

Mí Abraham ke ndu o-tɔ́ndɔɔ o ɲɛm o hɛlu-on nin kpow. Diola lan aa: «Mɛlkisedɛk», kɔlɔ ndɔɔ co ni aa: «Masa dɛnɛ sandaa». Handɔɔ o kon coo, Mɛlkisedɛk kon va vɛlɛ masaa Salɛm ni, kon co dimio ni aa: «Masa kɔlɲuloo».

Efɛsea 4:16

Ndu co tosaa ni mì falun yɛ́-yɛ́-on n va yiyaa nɛɛ pilɛ ɲɛkɛndɛi, mì diallon kpow n va ɲɛ pilɔɔ a boondun ndɔn kpow. Lelan, te ifalu oo ifalu i tosa pɛ baalaa mɛɛ o bɛnda yɛ, diallon kpow n hindunin mì n hiow laci o kaolaa nin.

Efɛsea 3:15

o yungulan o halataala, a laan o ceendo coo kpow sɔlà diolan o ba-o.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Nsaŋ 11:52

O va vu le lɛŋnden, kɛ mì ndóò mɔɔsiaa vɛlɛ cuavaa Hala-a co a sɛŋiannda-a, haliko ma muungu dialle ndii pilɛ.

Sakari 6:13

Ndu baŋnin Cɛi-Mɛlɛka-o ni, ndu tuɛinin biilu cɛi kon yeela ni. O calnin o kpɛŋɛ lemasaa coo, mò tosa masalen. O vanin vɛlɛ vana-solia-lasálàá o kpɛŋɛ ndɔ lemasaa coo, o tosanin valta tiɔnnda lan ɲɛkɛndɛ-kɛndɛ o lepilɔɔ.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Efɛsea 2:17

O hin le niaa vanaa va Mɛlɛka levil-la a vanaa co ndu kpɛɛlun-nda Yoongu kɛndɛ kɔlɲuloo tiiyallo.