Efɛsea 2:13 - BII BILA

¹³ Kɛ sunsun, o Yeesu Krista nin, niaa vanaa va Mɛlɛka levil o tasendɔ-a, la sɔla sɔɔnguuo ndu o ibuŋ le piɔ́m ndu Krista sɔla-o.

Efɛsea 2:13 Referans Kwoze

Dɛnnda kiilaa 2:39

Kani ciɛi Hala cua-e co le niaa a le cuavaa niaa, i co vɛlɛ le vanaa co levil-la kpow a le vanaa-vanaa sɔlanin veeloo Hala naa o ba.»

Esai 57:19

I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Esai 43:6

I dimulnin lɛŋnde luaŋ-nden aa: «Mingi nda o nda lo!» I dimulnin vɛlɛ lɛŋnde too len aa: «Kungulan nda coo le!» Faŋa poaa niaa nɛɛ nda co o lɛŋnde nin kɔɔli-kɔɔli-a mà mingi nda o nda lo. Faŋa cuavaa niaa laandua lɛŋnde mɛɛlu ma mingi nda nanu,

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Efɛsea 2:12

O telen kon, la va Krista levil, la ve n'pilaciee Israɛlla tɛɛn te, mialla niaa va le kpema Mɛlɛka ndóò yii mí ndóò cua ciɛ́i-yo ni. Niáà nɔ tiindan kɛ́-kɛ̀ le, niáà nɔ vɛlɛ Hala le.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Esai 66:19

I handunin tɔɔmaseloo nda tɛɛn, mì vem vanaa ndaa lonin yoomu-a o vanaa-mangalaa-isɔɔa lo, mì vem nda Tarsis, Pul, Lud (o vanaa vuaa lakpaasiaa kan ndo). I viamnin vɛlɛ nda Tubal a Yavan, o lɛŋii co o mɛnndan tɛɛn a o mɛnndan kɔngɔ-e nin, i co ken levil lándan-nde. Vanaa co lon-nda a tui-yɔ isɔɔ a ya (Mɛlɛka) o kɔɔ le, a ci vɔ vɛlɛ biilu nuu le. A cɔmnin vanaa-mangalaa-isɔɔa biilu nuu.

Condii lisai 22:7

Ya yɛ, maa dɛlu ya coni, i co maa vanaciee le. Vannda co ya bɛɛlan tɛɛmbuuo a co ya pɛɛsaa.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Hebreea 9:18

Lelan kpeekpei kpema tasoo kandun a koovan ni.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Rɔmnda 8:1

Yaala co lɛ le vanaa co o Yeesu Krista nin-nda le.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 15:14

Simɔn langa cii cɔm mɛɛ Hala hɛli fɔlɔn vanaa-mangalaa-isɔɔa sina Hala le-a, má siŋnun vanaa ndɔa yɛ.

Esai 60:9

Kani lɛŋii co o mɛnndan kɔngɔ-e i tiindan ya. Dɛ̀ndɛ̀la mamɛnndan Tarsis la sim laci le hunɔɔ a poaa nɔmnda cɔnɔnndo nɛɛ levil a volin a á sianin ndan. Kon kpow le diola Mɛlɛka Hala nɔmndo lan, O-Diandaa Israɛlla pɛɛn, o co nɔm salamayɛi yɔngoo-o.

Esai 60:4

Keeliaa vɔ hɔlla nɔm balɔɔ pindo, mà mɛɛndian: cuavaa nɔmnda kpow a co mɔɔsianndo, a co hunɔɔ o nɔm ndo. Poaa nɔmnda co fulaa nɛɛ levil, cuavaa nɔmaa laandua co hunɔɔ o balan coo.

Esai 49:12

La tofa vɔ nda, a cɛn nɛɛ levil ma va hunɔɔ, a pum co hunɔɔ fulaa a ba luaŋ-ndo, a ba paalen le del-lo, a pum co hunɔɔ fulaa o lɛŋnde Sinim-nden nin.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Condii lisai 73:27

Vanaa co nɔm Hala faaŋianndo-a co yoomu ndaa ciiyo, vanaa co kɛɔ le lou o lediom coo a nɔm-nda co tambei.

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

Efɛsea 2:6

Mí Hala mingi naa yoomu a Yeesu Krista latulu, mó kɛsi naa o fondalan o halataala naa ndaa.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.