Efɛsea 2:12 - BII BILA

¹² O telen kon, la va Krista levil, la ve n'pilaciee Israɛlla tɛɛn te, mialla niaa va le kpema Mɛlɛka ndóò yii mí ndóò cua ciɛ́i-yo ni. Niáà nɔ tiindan kɛ́-kɛ̀ le, niáà nɔ vɛlɛ Hala le.

Efɛsea 2:12 Referans Kwoze

Kalatea 4:8

Paandu, telen niáà síná vɔ Hala loo, la va o cɛle ɲɛm niáà cɔu maa n'hala-on bɛngu, nduyɛ n co Hala le.

Kolɔsea 1:21

Niaa bɛɛ, la va paandu Hala levil, yaamɔaa ndɔa niaa va le dɛnnda vɔɔnnda niaa va tuuvo mí la va tosaa lan ni.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

1Tesalonikea 4:13

Puapilɛa naa, n yeema mì la sínà toɲaa le vanaa vi-a, yɔŋii mɔnɛi bii niaa maa vanaa celen, a nɔ tiindan te-a.

Efɛsea 4:18

a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.

Esekiɛl 37:26

I yiinin kpema kɔlɲuloo naa ndaa tɛɛn. Kpema fɛɛn-fɛɛndo vanin naa tɛɛn naa ndaa. I minginin nda kɛsi lon mì vangala nda mà kui taw. I minginin cɛi-kola-toandaa diandaa nda tɛɛn le lɔ́ɔ́-lɔ́ɔ̀.

1Tesalonikea 4:5

La malnun yeemɛi vɔɔnde o ba maa vanaa sìna Hala le-a le.

Nsaŋ 15:5

Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Rɔmnda 9:8

Kon co dimio ni maa o co cuavaa velun o falon nin-nda le a co cuavaa Hala-a le, kɛ cuavaa kpemaa co cuavaa nɔ diolan o polalen coo-a ni.

2Dɛnnda lemasalan 15:3

Telen vilɛi hiow lɔ́ɔ́ kon, Israɛlla ndáà nɔ Hala kpeekpei le, vana-solia-lasálà ve nda tɛɛn le nda pɛɛku le, ndáà nɔ vɛlɛ tɔŋ te.

1Piɛr 3:15

Kɛ la ke Krista co Maalii-o bɛɛlen o kɔlta niaalan nin. La va lɔ́ɔ́-lɔ́ɔ̀ a bɛɛndiannda, haliko te vanndo ɲuna pɛ niaa le kɔlɔ niaa nɔ kɔlkɛsiaa-o, la tɛɛsial ndu kɔlɔ kon.

Dɛnnda kiilaa 28:20

Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»

Dɛnnda kiilaa 3:25

Niaa co cuavaa vanaa-tɛɛngaa-diom Hala-a kan ni, a Hala yii kan kpemaa a fuɲaa naa mamaa, mó dimul Abraham aa: ‹Vanaa-mangalaa-isɔɔa o ceendo coo kpow a sɔlanin duaa cuavaa nɔmnda o ba bɛngu.›

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Hebreea 11:34

Má ɲumi kpaaya leyinndo, má hialun mɔɛi cɔwve, má deli a nààlan, má siangu. Telen lacɔwvo, má yɔŋnun vanaa dialun kalaa, má toaw vanaa cɔvaa va nda hinullo-a.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Nsaŋ 4:22

Ɲɛ niaa sina loo niaa co biiloo ni, naa naa yɛ, ɲɛ naa n sina-o naa n co biiloo ni. Kani Hala Yuifia o ba cindaa fula ni.

Luke 1:72

O tuinun fuɲaa naa mamaa iɲíí, mó yiyan le kpema diandaa o yii-yo.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Esekiɛl 13:9

Ba nuu tisanin vanaa-tɛɛngaa-diom Hala-a co vunduma lacòòvan tɛɛnguuo a sɔɔn lacòòvan dimio-a coo cili. A venin o cuungian vanaa niaa coo le, diola ndalan la sɛvannin o diola cuavaa Israɛlla coo le, a tiiyanin o lɛŋnde Israɛl-ten nin di le. O kon niaa sinanin ni maa ya co Maalii ni, Mɛlɛka pɛɛn.

Yeremi 14:8

Nɔm Israɛl tiindan-ndo, nɔm ciindiaa ndu o telen dɛnɛ palaa-o, le yɛɛ nɛ n tosa yɛ maa mial o lɛŋnde ndɔlen nin, maa vana hiawnan kei cɛi-kola-toandaa ndɔɔ simi le lɔan-ndo?

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Ɛsdras 4:3

Kɛ mí Sorobabɛl, Yosue a vanaa va bolii lapangɛi Israɛlla-a mulul nda aa: «O co naa niaa le n bɛnda le Cɛiyo tangullo le Hala naa le! Kɛ naa pila kínɛí n bɛnda le Cɛiyo tangullo le Mɛlɛka, o co Hala Israɛlla-o ni, maa mɛɛ masaa Siris, o co masa Pɛrsea-o vem naa le tosaa yɛ.»

Kundalan 18:19

Ɲɛm diandan Israɛlla faŋa le ya Mɛlɛka o sálàla ɲɛm-vaala ndalan coo-on, nɔm Aarɔn, poaa nɔmnda a cuavaa nɔmaa laandua ya yɔngu mun ni. Tɔŋ vana fáŋà lecoo loo co kon ni. Kpema vana nɔla tɛɛmbuu ma faŋa ndu o fonda ndɔɔ loo co kon ni, o ya Mɛlɛka handu ba coo le dɛnɛ kɛndɛ nɔmndo a dɛnɛ kɛndɛ cuavaa nɔmaa imamaa-o.»

Esai 61:5

Mialla vanin icali lenin, a vanin cɔlua niaa mandaa le nda yɔɔ diólan, poaa mialla vanin vanaa vàà niaa, a vanaa tɔalaa n'rɛsɛŋaa niaa ni.

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Esekiɛl 47:22

La piɔwnin nden o siondei malɔɔ, mì le siŋnun kɛ́ɔ le niaa pila a le mialaa vanin icali niaa tɛɛn-nda, a vialunin cuawva niaa tɛɛn-nda, kan nda vanin le niaa maa cuavaa pilaciee Israɛlla tɛɛn. Siòòndei malnun pɛ, nda bɛɛ a bɛnda mà sɔla kɛ́ɔ niaa ndaa latulu o polama Israɛlla tɛɛn.

Dɛnnda kiilaa 2:39

Kani ciɛi Hala cua-e co le niaa a le cuavaa niaa, i co vɛlɛ le vanaa co levil-la kpow a le vanaa-vanaa sɔlanin veeloo Hala naa o ba.»

Efɛsea 2:19

Lelan, niaa vanaa co N'Yuifi le-a, la co lɛ n'mial te, la co vɛlɛ vanaa hiavan te, kɛ pilacieaa niaa co nin niaa vanaa diandaa latulu ni, vanaa pilɛa co o Cɛi-Hala-a nin-nda.

Hebreea 8:6

Kɛ Yeesu ndu, vali ndɔɔ hiow kon, kani ndu co simtɛɛndo le kpema hiow naŋɔɔ-o ni, o yiinun a diomnda hiow naŋɔɔ lan-ndo.

Fulaa 12:45

Mial hin calle niaa tɛɛn-ndo, te kon te vana co baalaa tosaa le sala ndɔɔ sɔlaa-o bɛnda mò de ɲɛdiaa kon te.