Efɛsea 2:11 - BII BILA

¹¹ La yiyan ndɔ mɛɛ niaa va paandu yɛ, la co N'Yuifi le. Yuifia a va niaa veeloo aa kɔndɛa, mí nda pila va veelɔnndo aa falennda le tooma n'falu nda dii-yo.

Efɛsea 2:11 Referans Kwoze

Kolɔsea 2:11

O ndu nin koni niaa dii toomaa ni, tooma vanaciee dii vana loo, kɛ tooma fula Krista o ba-o, o baŋa naa ceen naa lahakio o ba-o.

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Kolɔsea 1:21

Niaa bɛɛ, la va paandu Hala levil, yaamɔaa ndɔa niaa va le dɛnnda vɔɔnnda niaa va tuuvo mí la va tosaa lan ni.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Kalatea 6:12

Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

1Korɛntea 12:2

Tuma niáà síná vɔ Hala loo, a va niaa nanɔɔ má va kɔlan a niaa le piɔmaa suu le-a sooloo.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Tɔŋ miingua 16:12

La loonun maa cɛa niaa va Esipte ni, o kon mì la bii silalan-ndan.»

Tɔŋ miingua 15:15

La loonun maa niaa pila bɛɛ cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa, mó soli niaa lon. Le kɔlɔ kon ya yɔngu niaa hau tɔŋndo ho ni.

Tɔŋ miingua 9:7

«La loonun a sɔɛi he, la pɔɛɛnun ndi le, la loonun maa la tɛɛmbuu Mɛlɛka Hala niaa kɔl taw o lɛŋnde veselɛilen nin. Kabi paale niaa faŋan Esipte len, háá tiiya niaa nanu, la pɛngi diom ndɔɔ sɛɛngiaa le few.

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Kalatea 2:15

Naa naa, Yuifia naa n co kabi o violɔnndo ni, n co vanaa súúla celen te, a sínà tɔŋ Hala-o le-a.

Esekiɛl 36:31

O kon, la loonunnin a kela niaa vɔɔndo, a dɛnnda niaala va lavɔɔn paandu lan. La nɔlanin hɔlla tofanndo vellaa-velle le, kon yɛ le yɔŋnda vɔɔnda niaalan a le kela niaa vɔɔndo.

Tɔŋ miingua 5:15

La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.

Esekiɛl 20:43

La lonin ndon mì la yiyan a káà niaa a dɛnnda niaala niaa va tosa mí la nɔɔliaa niaa lan kpede. O kon, la nɔla lɛnin hɔlla tofanndo vellaa-velle le, kani siɛmbulan la vanin niaa le dɛnnda vɔɔnnda niaa tosa lan kpow.

1Samiɛl 17:36

Nuaa buɛi nɔmndo ndóò diw yàlàá a kɔ́lɔ́vúlua ni. Lende koni ya tosanin a Filistinɔ dii hoo toma loo ni, le yei o yei vanaa cɔvaa Hala yoomaa-o.»

Rɔmnda 2:26

Te kɔ̀ndénɔɔ kela pɛ mɛɛ tɔŋndo dimi yɛ, vɛ̀ɛ̀ a kɔ̀ndéle ndɔle len kpede, o co maa falenɔ le o co le?

Rɔmnda 2:27

Hali mì vanndo dii tooma o falon nin te, kɛ te o co pɛ kelaa o sɔɔn tɔŋndo dimi-on coo, mɛɛ ndu yaalanin nɔm. Kani nɔm síná hoo tɔŋndo, má dii toomaa-o co sɔɔn tɔŋndo dimi-on biyɔɔ le.

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

Matie 20:7

Má mulul ndu aa: ‹Vana-vana cue naa le baala le.› Mó dimul nda aa: ‹Mɛɛ niaa bɛɛ la kɔ o nakɔ nuu nin.›