Efɛsea 1:8 - BII BILA

⁸ kɛndɛi bɛndui o tosal naa taw, mó sɛŋi naa kɔlkalu ndɔɔ a dɛnɛ sinaa ndɔɔ coo-e pɛɛn.

Efɛsea 1:8 Referans Kwoze

Dɛnnda cɔɔmuanndan 5:12

A va dimio coocoo aa: «Saa téndé nda kelu bololan-ndo bɛnda mò sɔla kpaayaa, bolofaa, kɔlkaloo, yoomuan, bɛɛlen, biiloo a sangalaa.»

Kolɔsea 2:3

O ndu nin kɔlkaloo a dɛnɛ sinaa kpow vennun ni.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Rɔmnda 5:15

Kɛ vana tuu tɛɛmbuu vanacieo a ke Hala-o le. I co toɲa maa vanaa bɔɔ-bɔɔ vi le tɛɛmbuu vana pilɛ kon, kɛ kɛndɛi Hala-e ndi hiow polon. Kɛndɛi o tosal vanndacieea fondo fúú o vanacieo ndu pilɛ nin-nde, o co Yeesu Krista-o pɛɛn, ndi tol vanaa bɔɔ-bɔɔ coo ni.

Yude 1:25

biiloo co le Hala Vana naa ciindiaa ndu pilɛ kpé, o Maalii naa Yeesu Krista nin. Biiloo, bɔɔbɔɔyɛi, kpaayaa a dio co le ndu kabi paandu, sunsun a le fɛɛn a fɛɛn. Amiina!

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

1Korɛntea 2:7

Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Esai 52:13

Tofa vɔ vana ni baalaa, o diinin dɛnɛ mò pɛ, o sɔlanin heeloo a kuundiaa, o kɛsinnin o fonda bɛndoo.

Talelan 8:12

«Ya Kɔlkaloo, naa taasio n co latulu ni, a dɛnɛ sinaa ya tosa dɛnndan ni.

Condii lisai 104:24

Éé Mɛlɛka! Baalala nɔmndan la co la bɔɔ! A kɔlkalu nɔmndo n tosa lan kpow ni. Lɛŋnden le co lepiaa ca a ɲɛm n cɔw-von.

Matie 11:19

Mí Po vanacieo hun, mó va dioo a kolɔɔ, mí vannda va dimio aa: ‹Hoo ndu vana lepuloo a vana kólaa mamɔiyo o co ni. Caaŋoo vanaa biyaa mulua a vanaa lahakia o co ni.› Kɛ o dɛnnda Kɔlkaloo co tosaa lan nin vannda sinà ni maa Kɔlkalu kalaa sandu.»

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.