Efɛsea 1:7 - BII BILA

⁷ Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Efɛsea 1:7 Referans Kwoze

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Rɔmnda 3:24

Kɛ mí Hala tosal nda kɛndɛi, má sɔla baŋanndo o Yeesu Krista nin, o co a vɔngu le.

Kolɔsea 1:14

O ndu nin naa n sɔla baŋaa dɛnɛ vɔɔndo o ba ni, mí n sɔla hakio malɔɔ.

Hebreea 9:22

Maa mɛɛ tɔŋndo dimi yɛ maa a koovan vana nɔla ɲɛm bɔɔ-bɔɔ dindio ni. Nduyɛ, te koovan ma fula le, malɔɔ lahaki co le.

Matie 26:28

kooma nian ma co man ni, kooma kpema-an, ma fula le vannda taw hakio malɔɔ-an.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

1Nsaŋ 2:12

Niaa cuavaa nia hɛnan ya-a, i co niaa sɛval, kani hakila niaalan la malnun haki le diola ndɔlan.

Filipea 4:19

Hala nuu nɛŋinin kpekula niaalan kpede maa mɛɛ bɔɔbɔɔyɛi ndɔɛi a biilu ndɔɔ co o Yeesu Krista nin yɛ.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Condii lisai 130:7

Niaa Israɛlla, la tiindan Mɛlɛka, kani ndu nɔ kaolaa o ba ni, ndu o ba vana sɔla baŋan kpeekpeiyo ni.

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

SƐBƐ YƆB-O 33:24

mɛlɛkanɔ kon tuinunnin ndu iɲíí, mò dimul Hala aa: ‹Baŋa ndu, mal ndu tolɔɔ ciee-piɔ́m te. I saalun ɲɛ le ndu baŋaa.›

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Daniɛl 9:19

Maalii, yaŋnun! Maalii, mal haki. Tuei naa diom, keleŋa ɲɛ ya co nɔm ɲunaa-o tosa. Yiyan a kaola nɔmndo o kɔɔ. Kani o kobi nɔmndo ho nin a o yungu nɔmndo ho tɛɛn diola nɔmndan la co piɔlnɔnndo ni.›»

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Condii lisai 86:5

Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Dɛnnda kiilaa 10:43

Vanaa-tɛɛngaa-diom Hala-a kpow a tɛnda seilen a ndu o kɔɔ maa vana-vana laalan ndu pɛ, hakila vana kon la malnun haki o diola ndɔlan.»

Nsaŋ 20:23

Hakila vanaa niaa malnin haki-a la malnunnin haki, la vanaa niaa melnin haki le-a la lonin nda coo.»

Marke 14:24

Mó dimul nda aa: «Kooma nian ma co man ni, kooma kpema-an, ma fula le vannda taw-van.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Tite 3:6

Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa,

1Timote 2:6

Ndu yɔngun ndu pila le vannda kpow baŋaa ni. Mí seile len le fula o telen bɛnda-o.

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 2:4

Kɛ nduyɛ, vana iɲíí bɛndoo Mɛlɛka co ni. Le tùú o kaola naa taw-vo,

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Luke 1:77

le vanaa ndɔa pɛɛkoo maa Hala mal nda haki, mà sɔla cindaa.

Sakari 9:11

Mɛlɛka dimi aa: «Le niaa yɛ niko, le kpema ya yii a niaa a koovan-ndo, i co vanaa niaa co o biyɔɔ nin-nda baŋa, mì soli nda o soon mɛmma co lɛ lenin too nin.

Esai 43:25

Ya ni, ya ɲumi biondɔnnda niaalan le kaola ni ya pilaa ni, nduyɛ, i loonun ndɛnin hakila niaalan te.

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

Condii lisai 130:4

Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Rɔmnda 3:25

Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Efɛsea 1:8

kɛndɛi bɛndui o tosal naa taw, mó sɛŋi naa kɔlkalu ndɔɔ a dɛnɛ sinaa ndɔɔ coo-e pɛɛn.

Efɛsea 1:14

Kɔl-Diandaa kon co tɔɔmasele ɲɛm kɛndɛn o kɛsul naa-on ni, háá mi vanaa Hala-a a sɔla baŋaa. N sɔlanin mun kɛ́ɔ tuma naa n sɔlanin baŋanndo kpede le hakio-o. Lelan, n lisan bɔɔbɔɔyɛi Hala-e.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,