Efɛsea 1:4 - BII BILA

⁴ Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Efɛsea 1:4 Referans Kwoze

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

Kolɔsea 1:22

Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.

Dɛnnda kiilaa 13:48

Vanaa co N'Yuifi le-a tueyɔɔ sɔɔn mun, má dɔawnun ɲaale, má can sɔɛi Hala-e candɔɔ. Mí vanaa Hala ndóò hɛli le cinda fɛɛn-fɛɛndo sɔlaa-a kpow a laalan.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Dɛnnda kiilaa 18:10

Kani i co nɔm ikɛi. Vana-vana nɔlanin nɔm simullo mò yɔŋ nɔm ɲɛ le, bau i nɔ vannda taw o kobio ho nin.»

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

1Tesalonikea 3:12

Màá Mɛlɛka cɔɔlu niaa kaolaa tɛɛn vellaa-velle, mò cɔɔlu vɛlɛ ndu niaa a vanaa celen tɛɛn, mò va maa o naa n nɔ le niaa-o!

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Rɔmnda 8:33

Nɛ̀ɛ́ lɔalu yɛnin vanaa Hala hɛli-a? Hala siinguu vana vana sandaa ni.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Matie 24:22

Te palɛi ken ndíì dɔɔnian te, vana-vana óò cindanin te. Kɛ le vanaa sɔla hɛlio-a, mí palɛi ken i dɔɔnian.

1Nsaŋ 4:16

Naa yɛ, n sínà kaola Hala nɔ le naa-o, n laalan. Kaolaa Hala co ni, vana co pɛ o kaolaa nin, mɛɛ ndu co o Hala nin, mì Hala va o kɔl ndɔɔ nin.

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Dɛnnda kiilaa 15:18

o cɔm vannda tuula ndɔlan kabi sindɛ-o pɛɛn.

Tɔŋ lasálàá 19:2

«Soo o Israɛlla lo mà dimul nda aa: ‹La va vanaa diandaa, kani o diandaa fó-fó ya Mɛlɛka co ni, Hala niaa pɛɛn.

Tɔŋ lasálàá 20:7

La díndin mì la va vanaa diandaa siŋnun teengen le ya-a, kani ya co Mɛlɛka ni, Hala niaa pɛɛn.›»

2Samiɛl 22:24

I yɔŋnun vana sakpoo a ndu, mí mandan le dɛnɛ vɔɔndo tosaa.