Efɛsea 1:3 - BII BILA

³ N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

Efɛsea 1:3 Referans Kwoze

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

2Korɛntea 1:3

N melnun Hala balika, Fuɲaa Maalii naa Yeesu Krista. Fuɲa nɔ ɲííye taw-vo o co ni, Hala ɲɔɔlu vana kɔllo o dɛnndan kpow nin-ndo.

Efɛsea 2:6

Mí Hala mingi naa yoomu a Yeesu Krista latulu, mó kɛsi naa o fondalan o halataala naa ndaa.

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

Efɛsea 1:20

O Krista nin o cɔm kpaaya kon ni, Krista o tindi fulaa vanvílɛ́iya tɛɛn, mó kɛsin ndu o ba kɛndɔɔ coo o halataala-o.

Condii lisai 72:19

Biiloo co le diola ndɔla biilaalan le fɛɛn a fɛɛn! Màá lɛŋnden kpow le piɔ a biilu ndɔɔ! Amiina! Amiina!

Efɛsea 6:12

Kani o co n'vanndaciee le naa co cɔlɔba le, kɛ kpaayala maɲumndan, vanaa mayoomua, masɛi a ɲinaa vɔɔŋaa co o halataala-a.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Kalatea 3:9

Lelan, vanaa laalannda sɔlanin duaa mɛɛ Abraham sɔla duaa le laalanndo yɛ.

1Dɛnnda lemasalan 4:10

Mí Yaebɛs piɛi Hala Israɛlla, mó dimi aa: «Taa dɔw ya pɛ duaa lekɛ́ndɛi, mɛɛ cɔɔlu ya lɛŋnde kuilul, mà kanda ya a ba nɔm kpaayaa, mà faŋa dɛnɛ palaa a sangaa ya ikɛi polon.» Mí Hala cɛl piɛile ndɔlen.

Esai 61:9

Cuavaa ndaa imamaa sinannin vanaa-mangalaa-isɔɔa tɛɛn, polale ndalen le sinannin vanaa súúla celennda tɛɛn. Vanaa canin nda-a kpow a sinanin maa polale Mɛlɛka dɔw duaa len nda co ni.»

Condii lisai 134:3

Màá Mɛlɛka, o cɔw halataalaa a lɛŋnden-ndo dɔw niaa duaa fulaa nɛɛ o co Siɔn-nda!

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

1Dɛnnda lemasalan 29:20

O kon mí David dimul vannda kpow aa: «La mel Mɛlɛka, Hala niaa balika.» Mí nda kpow mel Mɛlɛka, Hala fuɲaa ndaa mamaa balika. Má tundun háá lɛŋ, Mɛlɛka a masaa o hɔl.

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

O Kandɔɔ 14:20

Biiloo co le Hala-Hiow-Ɲɔɔn-Kpow-vo-o, o yɔngu nɔm kpaayaa má tiw yaamɔaa nɔmnda ba-o.» O ɲɛm Abram puu yaamɔaa ndɔa kan o ba-on nin, mó cua ipilɛ o tɔ́ oo tɔ́ coo, mó yɔngu Mɛlkisedɛk.

1Korɛntea 12:12

Nduyɛ, kɔɔle vanacieo len pilɛ le co ni, kɛ falon taw le nɔ ni. Falon n va bɛɛ sɛ́lɛ́ lende o kɔɔle len nin, kɔɔlen nden pilɛ kpé le co ni, lende koni Krista co ni.

Rɔmnda 12:5

lende naa n co sɛ́lɛ́ ni, kɛ falei ndii pilɛ kpé naa n co o Krista nin ni. Falon naa n co n'yiinanndon vellaa-velle ni, vana-vana o fonda ndɔ.

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Efɛsea 1:10

Tuu kon yɛ, o Hala siownin kon peelu o telenndan mɛɛlulan-ndo, ndu co le ɲɛm co o halataala-on a mun o lɛŋnden coo mɔɔsiaa masaa ndu pilɛ kpé o labɛngunin ni, Krista pɛɛn.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Rɔmnda 15:6

haliko mi la va Hala biiloo a kɔl pilɔɔ a o diom pilɔɔ nin, Hala, Fuɲaa Maalii naa Yeesu Krista!

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

Hebreea 8:5

Vanaa-solia-lasálàà kan co vali kon tosaa o Cɛi-Hala-o nin. Kɛ vali nda co kon tosaa-o co macoaa maa vundule ɲɛ co tosanndo o halataala-o. Kani hali telen Moise va cɛi-kola-toandaa tangullo-o, mí Hala dimul ndu aa: «Toosiaa ndu ɲɛkɛndɛi mɛɛ ya tuulul nɔm ndu o pembei coo yɛ kpafii.»

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Hebreea 9:23

Lende ɲɛm co o halataala-on kpede n bɛnda le dindinndo ni. Kɛ ɲɛm co o halataala-on nɔ makoo a sálàla hiow naŋɔɔ lan.

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Luke 2:28

mí Simeɔn bii Yeesu o ba, mó mel Hala balika, mó dimi aa:

2Dɛnnda lemasalan 31:8

Mɛɛ Esekia nda vanaa bɛndua hun cɔ kundala lan, má mel Mɛlɛka a vanaa ndɔa balika.