Efɛsea 1:20 - BII BILA

²⁰ O Krista nin o cɔm kpaaya kon ni, Krista o tindi fulaa vanvílɛ́iya tɛɛn, mó kɛsin ndu o ba kɛndɔɔ coo o halataala-o.

Efɛsea 1:20 Referans Kwoze

Hebreea 10:12

Kɛ Krista ndu sálàá ndu pilɛ kpé o soli le hakilan ni, mó cal Hala o ba kɛndɔɔ coo le fɛɛn a fɛɛn.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Condii lisai 110:1

Condii fula o condun David-on nin-nde. Sɔɛi Mɛlɛka dimul Maalii nuu-e co hee ni aa: «Hun mà cal-la o ba kɛndɔɔ coo, mì mal yaamɔaa nɔmnda nɔm o labɛngunin.»

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Kolɔsea 3:1

Le mɛɛ niaa tendul a Krista latulu yɛ, la nuwviaa dɛnndan coocoo, nɛɛ Krista co icali Hala o ba kɛndɔɔ coo-a.

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Marke 14:62

Mí Yeesu muli aa: «Oi! Ndu ya co ni. La canin Po vanacieo icali Hala, vana kpaayaa kpow o ba kɛndɔɔ coo, mì la ce ndu vɛlɛ hunɔɔ o yumbuyumbu halataala-o nin.»

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Hebreea 2:9

Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

Rɔmnda 1:4

Mó cɔmnun vanndacieea a kpaaya bɛndoo o Kɔl-Diandaa nin maa Po Hala-o o co ni, le tùú o tendul fulaa vanvílɛ́iya tɛɛn-ndo.

Dɛnnda kiilaa 26:8

Niaa Yuifia yɛ, le yɛɛ nɛ niaa co yɛ kɛɛ laalan maa Hala nɔla mò mingi vanaa vi-a yoomu?

Dɛnnda kiilaa 10:40

Kɛ o paale yàándɔlen, mí Hala mingi ndu yoomu, mó cɔmnun vannda,

Dɛnnda kiilaa 4:10

Nduyɛ, mɛɛ mì niaa kpow sina hee, mì Israɛlla bɛɛ a sina maa: o diola Yeesu Krista fula Nasarɛt-o lan, o niaa baŋ o yɔm singafilaa coo, mí Hala mingi ndu yoomu fulaa vanvílɛ́iya tɛɛn-ndo lan langbanɔ co hoo isisi niaa o hɔl-lo sɔla siongɔɔ ni.

Nsaŋ 10:30

Naa Pua, ɲɔɔ ndu pilɛ kpé naa n co ni.»

Nsaŋ 10:18

Vana-vana hélú ndu ya o ba le, kɛ ya pila yɔngu ni. I nɔ dí ya yɔ́ngù ndu-o, i nɔ vɛlɛ di ya mingin ndu o ba-o. Lende Fuɲa nuu dimul-la ni.»

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Kolɔsea 1:16

kani o ndu nin ɲɔɔn kpow n cɔwnun ni, mun o halataala a mun o lɛŋnden coo, ɲaa yoomaa vana ca-a ɲaa vana ci le-a, masɛi a vanaa lebolla, kpaayala maɲumndan a simlacia. Ndu o ba ɲɛm mun kpow n cɔwnun ni, le ndu n co ni.