Efɛsea 1:18 - BII BILA

¹⁸ I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Efɛsea 1:18 Referans Kwoze

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Luke 24:45

O kon, mó kumbi kɔlta ndalan le Sɛbɛ Hala-o sinaa.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

Efɛsea 4:4

Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.

Condii lisai 119:18

Kumbi ya hɔlla mì ce dɛnnda kɛndɛla tɔŋ nɔmndo.

Tite 3:7

haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o.

Esai 42:7

le vanaa sumɛiya hɔltan kumbio, le vanaa co o biyɔɔ nin-nda solio o kaasoo, le vanaa co a biyaa o ɲumndan nin-nda baŋaa.»

2Tesalonikea 1:11

Lelan, n co piɛilen lɔ́ɔ́-lɔ́ɔ̀ le niaa. N Hala naa ɲunaa haliko mo cɛl, mì la va ceendo vilio mɛɛ o bɛnda yɛ, ceen o veelu niaa, mì la va nin-ndo. N co ndu piɛiyo haliko mi kpaaya ndɔɔ peelun o yeeman kɛndɛn co niaa o lakɔl-lon nin, mì laalan niaa peelun o dɛnndan kpow nin.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

Hebreea 10:32

La yiyan-ndɔ, telen niaa sɔla sɛnɛi ɲɛ-tengaa Hala-o-o, mí la sɔla sangaa taw, kɛ mí la biwnun, mí la sim yili.

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Esai 32:3

Hɔlta vanaa co cɔu-va la kindan ndɛnin te, nila vanaa co tueyɔɔ-a la beŋul-lɛnin te, la vanin layaŋaa yékén.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Matie 13:15

Kani kɔlta vannda ha la laasian, a cii nilan baŋulɔn, má kinda hɔltan, yɔŋii nda cɔ a lahɔl, mà tuei a lani, mà bii bila a kɔlta ndalan, mà mangalan, o kon mì singi nda.›

1Piɛr 3:9

La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

Hebreea 6:4

N tofan ndɔ sɔɛi vanaa muungu mà del o ceen nda paandoo nin-nda. A sɔla ɲɛ-tengaa Hala-o, má sɔla ke Hala-o, má sɔla Hala Kɔl-Diandaa,

Kolɔsea 3:15

Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

Efɛsea 2:12

O telen kon, la va Krista levil, la ve n'pilaciee Israɛlla tɛɛn te, mialla niaa va le kpema Mɛlɛka ndóò yii mí ndóò cua ciɛ́i-yo ni. Niáà nɔ tiindan kɛ́-kɛ̀ le, niáà nɔ vɛlɛ Hala le.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Esai 29:18

O palɛi ken nin, vanaa nila baŋulɛiya tuɛinin sɔɔn co o sɛbɔɔ nin-ndon, hɔlta vanaa sumɛiya la fulanin o ɲumndan nin a o ɲumma n'kpungban nin, mì la ce válán.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

Filipea 3:14

i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.

SƐBƐ YƆB-O 42:5

Diolan kínɛí yáà tuɛi nɔm ni, kɛ o laan, i ce nɔm ciŋ.

Esai 11:2

Kɔl Mɛlɛka-o vanin ndu coo, kɔl kɔlkaloo a kɔl dɛnɛ sinaa, kɔl silaa a kɔl mayoomoo, kɔl sinapɛngoo a kɔl siòòŋii Mɛlɛka-o.

Marke 10:17

Yeesu cɔnɔnndo kɔlan, mí langbanɔɔ pum ɲaanun ndu kɔɔli, mó kɔ baŋ vulan ndu o labɛngunin. Mó ɲuna ndu aa: «Kɔɔfanɔ kɛndɔɔ, yɛɛ ya tosa yɛ mì sɔla cinda fɛɛn-fɛɛndo?»

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Rɔmnda 11:29

Kani ke Hala-o a veelu ndɔɔ mangalan te.

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.