Efɛsea 1:17 - BII BILA

¹⁷ I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

Efɛsea 1:17 Referans Kwoze

Esai 11:2

Kɔl Mɛlɛka-o vanin ndu coo, kɔl kɔlkaloo a kɔl dɛnɛ sinaa, kɔl silaa a kɔl mayoomoo, kɔl sinapɛngoo a kɔl siòòŋii Mɛlɛka-o.

Talelan 2:5

mɛɛ a biinin siòòŋii Mɛlɛka-e bila, mà sɔla sinapɛngoo le Hala sinaa.

2Piɛr 1:3

Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

1Korɛntea 2:10

Kɛ naa naa, mí Hala cɔm naa kon a Kɔl-Diandaa, kani Kɔl-Diandaa kon yaasiaa isɔɔ oo isɔɔ ɲɛkɛndɛi ni, hali tuula Hala toosiaa mó vian kpíŋ-ndan.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Dɛnnda kiilaa 6:10

Kɛ a tiwba ndu simullo le, kani a kɔlkalu Hala Kɔl-Diandaa ke ndu-o o va sɔɛi ni.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

2Korɛntea 12:1

Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Condii lisai 24:7

Niaa diola luɛyaalan, la kumbi koŋnda niaalan, niaa diola fɛɛn-fɛɛnndan, la kumbin mì Masa tɔ́ɔ́ bɛndoo luɛi.

1Korɛntea 12:8

Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

1Korɛntea 2:8

O ceendo ho coo, kpaayala kɛ́-kɛ̀ sínà kɔlkalu kalaa le, kani te láà sínà ndu pɛ, la ve Maalii biiloo bɛnda-o baŋɔɔ o yɔm singafilaa coo le.

Rɔmnda 15:6

haliko mi la va Hala biiloo a kɔl pilɔɔ a o diom pilɔɔ nin, Hala, Fuɲaa Maalii naa Yeesu Krista!

Nsaŋ 16:3

A tosanin ken le tùú nda kɛɛ ya a Pua sinaa-o.

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Nsaŋ 14:17

ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Yeremi 9:24

Mɛlɛka dimi aa: «Paale co hunɔɔ, mì simul vanaa dii toomaa n'faloo daama-a:

Yeremi 2:11

Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

Condii lisai 24:10

Nɛ̀ɛ́ co yɛ Masa tɔ́ɔ́ bɛndu kon? Mɛlɛka-Nɔ-Kpaayaa-Kpow-vo, ndu co Masa tɔ́ɔ́ bɛndu kon ni!

Dɛnnda cɔɔmuanndan 7:12

má va dimio aa: «Amiina! Sangalaa, biiloo, kɔlkaloo, balikaa, bɛɛlen, kpaayaa a yoomuan ma co le Hala naa le fɛɛn a le fɛɛn! Amiina.»

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

1Dɛnnda lemasalan 29:11

Le nɔm Mɛlɛka bɔɔbɔɔyɛi, kpaayaa, biiloo, masalen a naŋɔɔ fɛɛn-fɛɛndo co ni. Kani ɲɛm co o halataala-on a mun o lɛŋnden coo n co le nɔm. Nɔm nɔ masalen ɲɔɔn kpow coo ni.

Nsaki 2:1

Puapilɛa nia, niaa laalan Maalii naa Yeesu Krista biiloo bɛnda-o-a, la hiyàn vannda le.

1Korɛntea 14:6

Puapilɛa nia, te i kɔɛ pɛ o niaa lo, mì kɔ soo o sɔɔn mangalan celen nin, yɛɛ kon nɛŋul-lɛnin niaa? Kon nɛŋul niaa ɲɛ-ɲɛ le, mɛɛ mì tɛɛngul niaa sɔɛi cɔmnun-nde, te kon te dɛnɛ sinaa, te kon te mì tɛɛngul niaa diom Hala-o, te kon te vɛlɛ mì pɛɛku niaa?

Luke 12:12

kani Hala Kɔl-Diandaa cɔmnin niaa o niaa bɛnda le dimio-o o telen kon kpafii.»

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Condii lisai 29:3

Diom Mɛlɛka-o co deŋio o mɛnndan coo, Hala biilaa co piɔndio maa piɔɔ deŋia, Mɛlɛka co o mɛmma bɛnduan coo.

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Dɛnnda kiilaa 7:2

Mí Etiɛn muli aa: «Puapilɛa nia, fuɲaa nia, la yaŋ ya nilan! Tuma fuɲa naa mamaa Abraham va vɔ caltan Mesopotami, ndóò kue vɔ calle Haran too, mí Hala nɔ biiloo-o cɔmnun ndu,

Fulaa 28:3

Nɔm Moise, ma soo o vanaa caa sɔndɔɔ-a kpow lo, vanaa ya yɔngu kɔlkaloo taw-taw-va, ma dimul nda mà sondul Aarɔn volɔɔlan, haliko mo siŋnun teengen le ya baala solia lasálàá tosallo.

SƐBƐ YƆB-O 42:5

Diolan kínɛí yáà tuɛi nɔm ni, kɛ o laan, i ce nɔm ciŋ.

Talelan 18:15

Vanndo keela pɛ kɔllo, o sɔla sinapɛngoo. Sɔɔn pɛɛku vana-on vana kɔlkaloo yeemà tueyɔɔ ni.

Efɛsea 4:13

Te o va yɛ pɛ lende, mɛɛ naa kpow n vanin diom pilɛ o laalanndo nin a o Po Hala-o sinaa nin. N siŋnunnin kaasonnda, o kon mì n tiiya mɛɛ Krista co o tiivɔn ndɔɔ nin yɛ.

Filipea 3:15

Naa vanaa-vanaa n co kaasonnda o laalanndo nin, yiyanndo ho va naa o lakɔl. Te o va yɛ pɛ mì la nɔ yiyannda celen o dɛnɔɔ pum coo, Hala cɔmnin niaa vɛlɛ vakpa mɛɛ niaa bɛnda le ndu biyɔɔ yɛ.

Matie 20:33

Má dimul ndu aa: «Maalii, n yeema mì hɔltan la kumbin naa.»