Vana Kɔlkaloo 9:8 - BII BILA

⁸ Vá ɲɛ cuɛiyan kɛndɔɔ vownɔnndo lɔ́ɔ́-lɔ́ɔ̀, pɔɛɛnun le cuɛima cun kɛndɛan suunɔnndo o lebol te.

Vana Kɔlkaloo 9:8 Referans Kwoze

Dɛnnda cɔɔmuanndan 19:14

Mí kundala vanaa cɔvaa co o halataala-a va ndu kɔlan kɔɔli o soa humbua coo, volɔɔla toosian a kola keese humbu fɛtufɛtu diandaa lan la va nda lekɔɔ.

Dɛnnda cɔɔmuanndan 19:8

A yɔngu ndu volɔɔla cuɛinannda kola keese fɛtufɛtu lan, kola keese fɛtufɛtu ŋɛlɛngi-ŋɛlɛngio pɛɛn.» (Kola kon co yɛ dɛnnda sandaala vanaa diandaa Hala-a ni.)

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

Daniɛl 10:3

I ve ɲɛdiaa hɛnan ya-o dio le, i ve n visi dio le, i ve mamɔi kolɔɔ le, i ve vɛlɛ macuɛi suunɔn te, háá mí lɔ́ɔ́la yáálan la cuu.

Condii lisai 23:5

A co ɲɛdiaa sɔvɛɔ toosiaa le ya yaamɔaa nia o hɔl, a co ya cuɛiyan suuo o lebol, taala kólaa nuu co piɔu háá mò va coŋndo.

Ɛstɛr 8:15

Mí Mardosee fula o masaa lo a doma ndɔ lemasa ndóò nɔ bungan humbon a yinɔɔ makaa-o lekɔɔ. Mó vownun mɔsil bɛndu n'siani lemasaa a doma kola keese siaŋaa lecoo. Mí vɔkɔ-vɔkɔ kɔlkɛndɔɔ can Suse ciee.

2Samiɛl 19:24

Mí masaa dimul Simei aa: «Vana diinin nɔm te.» Mí masaa mɛnalan ndu.

Ruti 3:3

Lelan pulun, mà suinun cuɛiyan, mà vownun volɔɔla nɔmnda hiow naŋɔɔ lan, mà kɔɛ o kpele lɔaa n'mal kon coo. Kɛ nduyɛ, keleŋa ndu fula o hɔl te. Mɛɛ mò cii fɔlɔn dioo a kolɔɔ.

Matie 6:17

Kɛ nɔm, taa va pɛ sumndo biyɔɔ, pulu hɔlla, mà suinun cuɛima cun kɛndɛan o lebol,

Amɔs 6:6

La co mɔiyan kolɔɔ a taalala humanndan. La co cuɛima kɛndɛ-kɛndɛan suunɔnndo, kɛ la co buulan le dɛnɛ palaa co polale Yosɛf len mɛngɛlaa-o le.

2Samiɛl 14:2

Mí Yoab viam vanndo vanalanɔ kɔlkaloo pum kɔɔli Tekoa, mó dimul ndu aa: «Vownun volɔɔla biisilan, suínùn cuɛima cun kɛndɛ le, ma tosa maa vana biisi komal, maa vanalanɔɔ cii palɛi taw o vana ndɔ vi-o caŋndo nin-ndo n co ni.

Luke 7:46

A dow cuɛima cun kɛndɛ a o lebol te. Kɛ ndu ndu, mó dɔaw ya cuɛima cun kɛndɛan o lebol.