Vana Kɔlkaloo 9:7 - BII BILA

⁷ Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Vana Kɔlkaloo 9:7 Referans Kwoze

Vana Kɔlkaloo 10:19

Le ɲaaloo dɔwnɔnndo vana tuisi kafo ɲɛdiaa ni, mɔiyan ma nɛŋi vana kɔllo ni, volion tosa ni mì vana sɔla ɲɔɔn kpow.

Tɔŋ miingua 12:7

O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Vana Kɔlkaloo 8:15

Ya ya, i co icondu le ɲaale co ya o kɔl-lo. Kani dɛnɛ kɛndɛ co le vannda o paalen bɛngu-o co hoo ni: dioo, kolɔɔ a ɲaaloo dɔwnɔnndo. O kon à de ceendo tɔnɔ. Hoo nda bɛnda le tosaa ni, telen nda co vallo o palɛi Hala ke nda le yoomoo o ceendo coo-e bɛngu-o pɛɛn.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Dɛnnda kiilaa 10:35

kɛ o vannda súúlan kpow nin, o vo ndu Hala mò va dɛnɛ sandaa tosaa-o, ndu hɛnan ndu ni.

1Masaa 8:66

O paale ŋɔmaandɔlen coo, mí masaa Salomɔn dimul nda le muungoo o la nda lo, má dɔawnun ɲaale, má mel masaa balika, má dɔaw ndu duaa. O kon mí vana-vana muungu o ndu lo bɛɛ a kɔlkɛndɔɔ le kɛndɛi Mɛlɛka ndóò tosal David vana ndɔ baalaa a vanaa ndɔa-e, Israɛlla pɛɛn.

Tɔŋ miingua 12:12

La vanin a kɔlkɛndɔɔ Mɛlɛka Hala niaa o hɔl: niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda. Kani leviaa kan nda nɔ ɲɛ a kɛ́ lelɛŋ maa niaa le.

Nsaŋ 4:50

Mí Yeesu dimul ndu aa: «Kɔ, po nɔmndo muungu yoomu.» Mí langbanɔ kon laalan a sɔɛi Yeesu dimul ndu-e, mó kɔannun.

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Marke 7:29

O kon mó dimul ndu aa: «Le sɔɛi n dimi hee-e, muungun, ɲina vɔɔndo fula cua nɔmndo nin.»

O Kandɔɔ 12:19

Le yɛɛ n dimi yɛ maa yema nɔm o co ni, mí ya i siinguu ndu laa ni? Má cè laa nɔm! Cua ndu mà faŋan o lɛŋnde nilen nin few-few.»

Kundalan 6:20

O kon, vana-solia-lasálàá tosa faleŋii vana heelu ɲɔɔ coo le Mɛlɛka ndu cɔmndo-e. Ɲɛm dian mun a ɲɛmahilu kon, ɲɛ diandaa-diandaa pila o co Mɛlɛka o hɔl ni, le vana-solia-lasálàá ɲɛm mun co ni, lende koni kɔŋɔ nda tosa faleŋii cɔmaa sálàá Mɛlɛka o hɔl-le coo-o a lɔlu nda faŋa-o co vɛlɛ le ndu ni. Kon cuu pɛ, vana ndóò solin ndu pila sálà-o nɔla niko mò kol mɔiyan.

Vana Kɔlkaloo 7:14

Telen dɛnɛ kɛndɔɔ, náŋ kɔl! Telen dɛnɛ palaa, kééla kɔllo. Kani Hala soli dɛnɛ kɛndɔɔ a dɛnɛ palaa ni. Lelan, vanacieo tiwba mo sina siɔdii ndɔɔ le.

Vana Kɔlkaloo 11:8

Te vanndo tosa pɛ yoomu vɔsilan taw, o bɛnda mò dɔwnun ɲaale o vɔsila lan kpow bɛngu. Kɛ o loonun maa palɛi dɛnɛ palɛi vanin sɛ́lɛ́. Dɛnnda toal vana coo lan kpow, sanga fondoo fúú.

Ruti 3:7

Mí Boas dia, mó kol, mí ɲɔɔ hɛnan ndu. Mó kɔ hini o bémbé n'mallo kɔɔli. Mí Ruti kɔa duɛɛn-duɛɛn, mó kpeeŋa ndu kolaa o pelon, mó hini.