Vana Kɔlkaloo 9:5 - BII BILA

⁵ Vanaa co yoomu-a a sina maa a co hunɔɔ vu, kɛ vanaa vi-a nda sina lɛ ɲɛ-ɲɛ le, a co lɛ ɲɛ-ɲɛ tueyɔɔ le, vannda pɔɛɛnun nin bɛɛ a nda o kɔɔ.

Vana Kɔlkaloo 9:5 Referans Kwoze

Esai 26:14

Vanaa vi-a a muungu lɛnin nanu le, vunduma ndan ma cen ndɛnin te, kani nɔm Mɛlɛka soŋ nda ni, nɔm diw nda ni. A tɛɛmbuu nda, vana loonun ndɛnin a nda o kɔɔ le.

Vana Kɔlkaloo 1:11

N co lɛ loonɔn a dɛnnda tosan sindɛ pá-pá lan te. Vanaa co koma hunɔɔ o naa kɔɔli-a, vanaa hunnin o nda kɔɔli-a bɛɛ loonunnin a nda o kɔɔ le.»

Condii lisai 6:5

Muungu, Mɛlɛka, ma baŋa yoomu nuu. Ciindiaa ya, kani vana lo o lediom coo-o n co ni.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

SƐBƐ YƆB-O 14:21

Cuavaa ndɔa koma va nin bɛɛ dɛnɛ kɛndɛ sɔla kɔɔli, ndu sina lɛ ken te, a koma va nin bɛɛ nda lasiɛmbu tuisi, ndu bii lɛ ken bila le.

Vana Kɔlkaloo 2:16

Kani vana va vana kɔlkalu, vana va diɔm sondo vesɛi, taa vi pɛ, mɛɛ palɛi hiaw faw, lende vannda kɔa a sɔɛi nɔmnde pɔɛɛnɔnndo ni. Mɛɛ diɔmndo vu yɛ, lende koni vana kɔlkaloo bɛɛ vu ni.

Condii lisai 109:15

Màá Mɛlɛka va hakila ndalan cɔu lɔ́ɔ́-lɔ́ɔ̀, mò faŋa nda o lɛŋnden coo, mì vana pɔɛɛnun a nda o kɔɔ!

Vana Kɔlkaloo 8:10

Mí ca vannda biisila vanaa yɔŋ vɔɔnda tosaa, vanaa yɔŋ vɔɔŋaa kan yɛ, a va kɔlan o Cɛi-Hala-o nin, mí vannda pɔɛɛnun o kobio yerusalɛm nin mɛɛ vanaa kan ndáà kela yɛ. Kon vɛlɛ bɛɛ sanga fondoo fúú.

Esai 63:16

Nduyɛ nɔm co fuɲa naa ni. Abraham sina naa le. Israɛl bɛɛ loonun-ndɛ a naa le, kɛ nɔm Mɛlɛka, nɔm co fuɲa naa ni, kabi lɔ́ɔ́ levil, nɔm nɔ diolan ni aa vana naa baŋaa.

Vana Kɔlkaloo 7:2

O co fisa mì vana kɔɛ o cɛi biisio co-o nin, a kɔlan o cɛi ɲɛdiaa kafoo co nin-ndo nin. Kani piɔ́mndo co mɛɛlula vanaciee oo vanaciee ni, vanndacieaa yoomaa kpow a bɛnda ma yiyan a ken.

SƐBƐ YƆB-O 30:23

I sina maa ciee-piɔ́m n co ya yɔ̀ɔ́ ni, nɛɛ ɲaa yoomaa kpede kɔa bɔɔŋianndo-a pɛɛn.

Vana Kɔlkaloo 9:4

Vana co vɔ yoomu-o tiwba mò tiindan. Tun co yoomoo-o fisa a yàlà vílɛ́iyo.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

2Samiɛl 14:14

Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

Condii lisai 88:13

Vɛ̀ɛ̀ dɛnnda kaamaala nɔmndan la co pá sinanndo o ɲumma kpingbian nin? Vɛ̀ɛ̀ vannda co yiyanndo a dɛnnda sandaala nɔmndan o kɔɔ o lɛŋnde vana nɔ mako le len nin?

Luke 20:32

O nda kɔɔli, mí lanɔ kon bɛɛ vu.