Vana Kɔlkaloo 9:15 - BII BILA

¹⁵ Vanndo pum va o kobi kon nin, vana kɔlkaloo a vana bala fondoo o va ni. Ndóò tiwba mì ndóò ciindiaa kobi kalaa a kɔlkalu ndɔɔ, kɛ vana-vana yiyan a ndu o kɔɔ le.

Vana Kɔlkaloo 9:15 Referans Kwoze

Vana Kɔlkaloo 4:13

Langbanɔ bala fondo nɔ kɔlkaloo-o co fisa a masa yuuvɛi diɔm cɛl le silalan biyɔɔ loo.

O Kandɔɔ 40:23

Kɛ bolle vanaa va masaa mɔiyan yɔngoo-a loonun a Yosɛf le, mó pɔɛɛnun a sɔɛi ndɔɛi.

2Samiɛl 20:22

Mí cuaa muungu o vanaa tɔ̀a lo, mó kɔ yɔngu nda sila kɔlkalu kon. O kon, má kɔ kialu Seba, po Bikri-o bollen kpali, má vuulu Yoab len o kpakio kɔɔli. O kon kɔɔli, mí Yoab hɔŋ buloo, fɔ́ɔ́fɔ̀, mí vanaa ndɔa cɔwva mal kobio, má muungu o la nda lo. Mí Yoab pila muungu Yerusalɛm masaa David o ibuŋ.

Vana Kɔlkaloo 2:16

Kani vana va vana kɔlkalu, vana va diɔm sondo vesɛi, taa vi pɛ, mɛɛ palɛi hiaw faw, lende vannda kɔa a sɔɛi nɔmnde pɔɛɛnɔnndo ni. Mɛɛ diɔmndo vu yɛ, lende koni vana kɔlkaloo bɛɛ vu ni.

Talelan 21:22

Vana kɔlkaloo nɔlà mò kɔ del kobi kuubaa cɔvaa mayoomua co kandaa-o coo, mò koomba kpaki kobi kon ndóò tiindan-ndo.

Vana Kɔlkaloo 8:10

Mí ca vannda biisila vanaa yɔŋ vɔɔnda tosaa, vanaa yɔŋ vɔɔŋaa kan yɛ, a va kɔlan o Cɛi-Hala-o nin, mí vannda pɔɛɛnun o kobio yerusalɛm nin mɛɛ vanaa kan ndáà kela yɛ. Kon vɛlɛ bɛɛ sanga fondoo fúú.

Vana Kɔlkaloo 7:19

Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.